Tiri bolsam, qazaqqa qyzmet etpeı qoımaımyn!

Álıhan Bókeıhan

Oramal taqpasa, árıne zorlaıdy: Erkektiń nápsisin alǵa tartyp, zorlyqty quptaıtyn ımamdarǵa kim shekteý qoıady?

28 mamyr 2024 804

Qoǵam belsendisi, áıelderdiń quqyǵyn qorǵap júrgen koých Roza Áshirbaeva birqatar memleket zıalylaryna mańyzdy saýal joldady, dep habarlaıdy Alash.kz.

Instagram áleýmettik jelisinde jarıalaǵan jazbasynda, ol áıelderdiń quqyǵyn ımamdardyń ózderi qurtatynyn jetkizgen. Kúndelikti jańalyqtardy ashyp qaraǵanda janýardy da, adamdy da zorlap jatqan er adam ekenin de tilge tıek etti. 

Qoǵamda áıeldi de, balany da, qartty, janýardy da, ólikti de, tipti erkekti de zorlaıtyn - erkek!

Zorlyqshyǵa sebep kerek emes, “taıaqtyń eki ushy bar” “sebep bar”, “ne v tom meste, ne v toı odejde, ne v to vremá» deıtinderdiń oıy boıynsha morgtaǵy óli áıel qandaı sebep týǵyzdy eken dep suraǵym keledi.
Ólip qalǵany sebep pa? Uıalsańyzdar etti…,-dedi ol jazbasynda. 

Roza Áshirbaeva ýaǵyz tyńdaýǵa baratyndardyń barlyǵy er adamdar ekenin aıtyp, olarǵa durys jón silteýdiń ornyna "zorlyqty quptap" aıtqan sózderine ashýlandy. 

Meshitterge baryp, ýaǵyz, dáris tyńdaıtyndar bári - erkek, al olarǵa ustazdar Paıǵambarymyzdyń (s.a.s) Sırasyn tápsirlep otyryp: “oramal taqpaǵandardy zorlamaǵanda, kimdi zorlaıdy” - dep otyrǵany qalaı?

Meshitter men medreseler dáris tyńdaýǵa kelip otyrǵan er azamattarǵa zorlyqty, qatygezdikti, sógýdi, áıelderdi kıimine qaraı dıskrımınasıa jasaýdy úıretip otyratyn mekeme me?

Koých memlekette alar orny bar birqatar zıaly ókilderge mańyzdy saýal joldady.

Osy oraıda men QMDB basshysy Bas mýftııi - Naýryzbaı Qajy Taǵanulyna @muftiyatkz @nauryzbai.taganuly

QMBD Ýaǵyz-nasıhat bóliminiń basshysy - Mansurov Batyrjan Berdenulyna

QR Mádenıet jáne aqparat mınıstri - Balaeva Aıda Ǵalymqyzyna @madeniet__aqparat__ministrligi @aida_balayeva 

QR Mádenıet jáne aqparat mınıstrliginiń Din isteri komıtetiniń basshysy - Núkenov Erjan Bolatqanulyna

İshki saıasat boıynsha strategıalyq usynystardy qalyptastyrýshy Qazaqstan Respýblıkasynyń Memlekettik keńesshisi - Qarın Erlan Tanymbaıulyna @erlankarin2019 qoıar bir ǵana suraǵym bar:

“Biz zańsyzdyq pen qatygezdikke bir kisideı, batyl qarsy turýymyz qajet. Sondaı-aq qoǵam normalar men erejelerdiń jáne jalpy adamzatqa ortaq qundylyqtardyń aıaqasty bolýyn qatań aıyptap, onymen birlese kúresýi kerek, - degen Memleket basshysynyń @tokayev_online talabyna qarsy jumys isteıtin ımamdarǵa shara bar ma?,-dedi ol. 

Eks-mınıstr Qýandyq Bıshimbaevtyń qolynan qaza tapqan Saltanat Núkenovanyń aǵasy Aıtbek Amangeldi de osy taqyrypqa qatysty áleýmettik jelide óz pikirimen bólisti. Kúni keshe ýaǵyz aıtýshy Jarqyn Myrzataıdyń "bloger qyzdarǵa úılenbeńder" degen vıdeosy qoǵamnyń qyzý talqysynat túsken edi. 

Aıtbek Amangeldi: " Qaı ýaqyttan beri adamdardyń syrtqy júzine qarap baǵa beriletin bolǵan? Qashannan beri el aldynda júrgen jandar qurmetke laıyq emes? Nege kóp aýdıtorıasy bar ımamdar bir-birińdi qadirlep, qurmetteńder degen sózdiń ornyna adamdardy nege qarsy qoıady?",- dedi ol ashýlanyp.

Bul maqala týraly ne oılaısyz?