Tiri bolsam, qazaqqa qyzmet etpeı qoımaımyn!

Álıhan Bókeıhan

Oraldyń mańyndaǵy saıajaılar sý astynda qaldy

21 sáýir 2024 302

Oral qalasy TJ basqarmasynyń bastyǵy Amangeldi Eshmuhanovtyń málim etkenindeı, búgin Zachagan kentindegi Jaıyq ózeni jaıylmasynda ornalasqan «Stenovık» baý-baqsha seriktestiginde qalǵan adamdardy evakýasıalaý jumystary júrgizilýde.

Onyń sózine qaraǵanda, munda 820 jer telimi bar.

«Atalǵan baý-baqsha seriktestiginde 190 otbasy qysy-jazy turady. Mundaǵy turǵyndardyń basym bóligi aldyn ala kóshirildi. Óz úıi men jer telimderin kúzetken sanaýly adamdar qalǵan. Qazirgi kezde BQO polısıa departamentimen birge olardy májbúrli túrde evakýasıalaý júrgizilýde», dedi A.Eshmuhanov.

BQO TJ departamentiniń baspasóz qyzmetinen alynǵan málimetke qaraǵanda, óńirde apattyq-qutqarý jumystaryna 10 663 adam, 1 927 tehnıka, 213 sý sorý quraly, 197 qaıyq jáne 5 tikushaq jumyldyrylǵan.

Budan buryn Batys Qazaqstanda 3 300-ge jýyq saıajaı úıi sýǵa ketkenin, sonyń 2 921-i Oral qalasyndaǵy ózen jaıylmalarynda ornalasqan bolatyn. 

Sondaı-aq Oral qalasynda Jaıyqtaǵy sý deńgeıi qaýipti shekten asyp ketti.

Bul maqala týraly ne oılaısyz?