Tiri bolsam, qazaqqa qyzmet etpeı qoımaımyn!

Álıhan Bókeıhan

Oljas Bektenov Úkimet basshysy boldy

06 aqpan 2024 55
Májilis depýtattary Premer-Mınıstr laýazymyna Oljas Abaıuly Bektenovti taǵaıyndaýǵa kelisim berdi.
«Memleket basshysynyń Jarlyǵymen Oljas Abaıuly Bektenov Qazaqstan Respýblıkasynyń Premer-Mınıstri bolyp taǵaıyndaldy, ol burynǵy atqarǵan laýazymynan bosatyldy», – delingen Aqordanyń habarlamasynda.

 Májilis depýtattary Úkimet basshysy kandıdatýrasyn talqylaǵannan keıin «Qazaqstan Respýblıkasynyń Prezıdentine Qazaqstan Respýblıkasy Premer-Mınıstri laýazymyna Bektenov Oljas Abaıulyn taǵaıyndaýǵa kelisim berilsin» degen qaýly jobasyna daýys berdi.

Daýys berý barysynda jalpy otyrysqa qatysqan depýtattardyń 69-y onyń kandıdatýrasyn qoldap, 7 depýtat qalys qaldy.

Buǵan deıin Memleket basshysyna «AMANAT» partıasynyń atynan Premer-Mınıstr laýazymyna Oljas Abaıuly Bektenovtiń kandıdatýrasy usynylǵan edi.

Bektenov týraly ne bilemiz?

Oljas Bektenov 1980 jyly 13 jeltoqsanda Almaty qalasynda týǵan. 2001 jyly Qazaq memlekettik zań akademıasyn úzdik bitirgen. Mamandyǵy – «zańger». 2014 jyly İİ dárejeli «Aıbyn» ordenimen marapattalǵan.

Eńbek joly:

Eńbek jolyn 2002 jyly Almaty qalasy Ádilet basqarmasy bóliminiń bas mamany retinde bastaǵan.

2005-2006 jyldary – Premer-mınıstr Keńsesinde zań bóliminiń sarapshysy, bas sarapshysy.

2006-2009 jyldary – Prezıdent ákimshiliginde qyzmet istedi.

2009-2012 jyldary – Ádilet mınıstrliginiń Tirkeý qyzmeti jáne quqyqtyq kómek kórsetý komıteti tóraǵasynyń orynbasary.

2012-2014 jyldary – Ekonomıkalyq qylmysqa jáne sybaılas jemqorlyqqa qarsy agenttiginiń (qarjy polısıasy) ortalyq apparatynda departament bastyǵy.

2015-2016 jyldary – Astana qalasy ákiminiń apparat basshysy, Prezıdent ákimshiliginiń basshysy hatshylyǵynyń meńgerýshisi.

2016-2017 jyldary – Sybaılas jemqorlyqqa qarsy is-qımyl Ulttyq búrosynyń (Sybaılas jemqorlyqqa qarsy qyzmet) Astana qalasy boıynsha departamentiniń basshysy.

2017-2018 jyldary – Aqmola oblysy ákiminiń orynbasary.

2018-2019 jyldary – Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary.

2019-2022 jyldary – Sybaılas jemqorlyqqa qarsy is-qımyl agenttigi tóraǵasynyń birinshi orynbasary.

2022 jyldyń aqpanynan 2023 jyldyń sáýirine deıin – Sybaılas jemqorlyqqa qarsy is-qımyl agenttiginiń tóraǵasy.

2023 jyldyń 3 sáýirinde Memleket basshysynyń Jarlyǵymen Prezıdent ákimshiliginiń basshysy bolyp taǵaıyndalǵan bolatyn.

İİ dárejeli «Aıbyn» (2014) jáne «Dańq» (2021) ordenderimen nagradtalǵan.

Otbasyly, úsh balasy bar.

Foto: Aqorda
Bul maqala týraly ne oılaısyz?