Tiri bolsam, qazaqqa qyzmet etpeı qoımaımyn!

Álıhan Bókeıhan

Norvegıa, Irlandıa jáne Ispanıa elderi Palestınany táýelsiz memleket retinde moıyndady

22 mamyr 2024 338

Norvegıa, Irlandıa jáne Ispanıa Palestına avtonomıasyn táýelsiz memleket retinde tanýǵa sheshim qabyldady, dep habarlaıdy Alash.KZ ulttyq portaly. 

Norvegıa Premer-Mınıstri Djonas gar Stere bul sheshimniń Palestına avtonomıasy men Izraıl arasynda beıbitshilik ornatýǵa yqpal eterine senimdi. 

"Soǵys qyzǵan kezde, onda myńdaǵan adam qaza taýyp, jaralanǵan kezde, biz ızraıldikterge de, palestınalyqtarǵa da qaýipsiz bolatyn, olardyń qaýipsiz shańyraq astynda turýyn qamtamasyz etetin jalǵyz nárseni, bir-birimen beıbit ómir súre alatyn eki memleketti saqtaýymyz kerek", - dedi Stere.

Norvegıadan keıin Irlandıa men Ispanıa bıligi Palestına avtonomıasyn moıyndady. 

Izraıl bıligi Norvegıa men Irlandıadan óz elshilerin shaqyryp jatqanyn habarlady. Dál osyndaı shara Ispanıa elshiligine qatysty da qoldanylýy múmkin.

Izraıl basshylyǵy bul bastamaǵa qarshy shyǵyp baǵýda. Olar: 

"Bul memleketterdiń quıtyrqy áreketi 7 qazan qaza tapqan [HAMAS sodyrlary Izraılge shabýyl jasaǵan kezde] qurbandardy qorlaýdyń naq soraqy kórinisi", — dedi Izraıl SİM basshysy Izraıl Kats.

Qazirgi ýaqytta Palestına avtonomıasyn táýelsiz memleket retinde BUU-ǵa múshe 193 eldiń 143-i moıyndaıdy, onyń ishinde Qazaqstan men Reseı de bar.

Bul maqala týraly ne oılaısyz?