Senat spıkeri Máýlen Áshimbaev barlyq qazaqstandyqtardy jermen qamtamasyz etý úshin komýnıkasıalardy ákelý qajet ekenin túsindirdi.
Senat spıkeri Máýlen Áshimbaev jýrnalıserge 10 gektar jer alýǵa ótinish berý týraly aıtty.
«Men ótinish bildirgen joqpyn. Bul bizdiń azamattardyń quqyǵy, másele bizde Qazaqstanda jer joqtyǵynda emes, bul jerde de azamattarǵa durys túsindirý kerek, biz úlken memleketpiz, jerimiz jetkilikti. 10 sotyq jerdi qazaq azamattaryna úlestirýge bolady. Osyǵan qadam basyp kelemiz dep oılaımyn, biraq másele bul jerge komýnıkasıa tartylýy kerek, jol, jaryq, sý, kanalızasıa bolýy kerek» dedi Áshimbaev Senat otyrysynda.
Onyń aıtýynsha, azamattardy jermen qamtamasyz etý úshin komýnıkasıalardy ákelý qajet.
«Baılanys máselesi bar. Bul máseleni depýtattar biledi jáne kóterip júr. Jyl saıyn komýnıkasıa qurylysyna belgili bir qarjy bólinip, bul jumystar jalǵasyn taýyp keledi» dep túıindedi sózin Senat spıkeri.
Árbir qazaqstandyq jeke turǵyn úı qurylysy úshin jer telimin alýǵa kezekke tura alady. Buryn bul úshin ákimdikterge qaǵaz túrinde ótinish berý qajet bolsa, endi onlaın túrde ótinish berýge bolady. 8 sáýirde mundaı onlaın-qyzmet resmı túrde iske qosylǵan kezde ol 100 myńnan astam ret paıdalanyldy. Sıfrlyq transformasıa mınıstrligi qyzmet iske qosylǵanǵa deıin ótinish bergen kezekte turǵan 1,3 mln adamnyń ótinishin de elektrondy formatqa kóshirdi.
Derekkóz
