Tiri bolsam, qazaqqa qyzmet etpeı qoımaımyn!

Álıhan Bókeıhan

"Ne dep kókip otyrsyń?": Nazarbaev Dýlat Isabekovty ne úshin sotqa bermekshi boldy?

21 maýsym 2024 1027

Belgili jazýshy, Memlekettik syılyqtyń ıegeri Dýlat Isabekov eks-prezıdent oǵan shyndyqty aıtqan maqalasy úshin qalaı shúılikkenin baıandap berdi, dep habarlaıdy Alash.kz.

Bul týraly  Adal adam youtube arnasyna siltep Skifnews.kz aqparat portaly jarıalady. 

Nursultan Nazarbaev jazýshyny sotqa bermek bolǵan. 

Men ómir boıy Nazarbaevtyń saıasatyna qarsy boldym. Meni sotqa beremin  degen sonda da tilimdi tartqan joqpyn. Jazýshynyń prınsıpteri bolýy kerek. Odan taıdyń ba, jazýshy emessiń. “Kazahstanskaıa pravda” gazetine “Aýyl ýhodıt v nebo" degen memlekettik júıeniń tas-talqanyn shyǵarǵan maqalam shyqty ǵoı.

Aýyldyń aıanyshty halin ashynyp jazdym. Qoıshy taıaǵyn ustap qaldy. Mehanızatordyń bárin satyp jiberdi. Mehanıkter qolyna balǵa ustap qaldy. Tonady ǵoı bárin. Beıne bir erteń osy elge eshnárse kerek bolmaıtyndaı túgel satyp jiberdi.

Klýbty, kınoteatrdy, kitaphanany joıdy, balabaqshany toqtatty. Sol kezde meni Kósherbaev shaqyryp aldy. "Seni qazir Prezıdent shaqyrady" dedi. Kirdim, "otyr ana jerge" dedi.

Qorlandym, qansha degenimen, jazýshymyn ǵoı. Jazýshy degen uǵymdy qorlaǵandaı kórindi. Siz otyrmaı, otyrmaımyn dedim. "Mynaý ne?" dep bastady.

"Biz myna memleketti turǵyzamyz dep álek bolsaq, sen tas-talqanyn shyǵardyń, dedim. Qatty ashýlanyp, sotqa beremin" dedi. Berińiz dedim. “Biraq komısıany apparattan qurmaısyz” dedim. "Ne dep sóılep otyrsyń, ne dep kókip otyrsyń" dedi. Komısıa qurdy, biraq osy ýaqytqa deıin habar joq qoı”, – dedi jazýshy.

Bul maqala týraly ne oılaısyz?