Tiri bolsam, qazaqqa qyzmet etpeı qoımaımyn!

Álıhan Bókeıhan

Nazarbaev zıatkerlik mektebiniń oqýshysy qyz zorlap, 7,5 jylǵa sottaldy

17 mamyr 2024 365

Túrkistan oblysynyń qylmystyq ister jónindegi mamandandyrylǵan aýdanaralyq sotynda Qylmystyq kodekstiń 120-babynyń 3-1-bóliginiń 1-tarmaǵymen, 121-babynyń 3-1-bóliginiń 1-tarmaǵymen, 105-babynyń 3-bóligimen aıyptalǵan M.D.-ǵa qatysty qylmystyq is qaraldy.

Oblystyq sot baspasóz qyzmetiniń habarlaýynsha, 2023 jyldyń mamyr aıynda sottalýshy Túrkistan qalasynda (tanysy) kámelet jasqa tolmaǵan jasóspirimge zorlaý jáne seksýaldyq sıpattaǵy zorlyq-zombylyq áreketterin birneshe ret jasaǵan.

Memlekettik aıyptaýshy aıypty qoldap, M.D.-ǵa Qylmystyq kodekstiń 120-babynyń 3-1-bóliginiń 1-tarmaǵymen, 121-babynyń 3-1-bóliginiń 1-tarmaǵymen, 105-babynyń 3-bóligimen kináli dep tanyp oǵan belgili bir laýazymdardy atqarý nemese belgili bir qyzmetpen aınalysý quqyǵynan aıyra otyryp, pedagogıkalyq jáne kámeletke tolmaǵandarmen jumys isteýmen baılanysty laýazymdardy atqarý quqyǵynan ómir boıyna aıyra otyryp, 7 jyl 6 aı merzimge bas bostandyǵynan aıyrý jazasyn taǵaıyndaýdy, jazasyn óteýge qylmystyq-atqarý júıesiniń ortasha qaýipsiz mekemesinde belgileýdi suraǵan.

Alaıda, sottalýshy kinásin moıyndamaǵan.

Sot sheshimimen sottalýshy M.D.-ǵa Qylmystyq kodekstiń 120-babynyń 3-1-bóliginiń 1-tarmaǵymen, 121-babynyń 3-1-bóliginiń 1-tarmaǵymen, 105-babynyń 3-bóligimen kináli dep tanyp, oǵan belgili bir laýazymdardy atqarý nemese belgili bir qyzmetpen aınalysý quqyǵynan aıyra otyryp, pedagogıkalyq jáne kámeletke tolmaǵandarmen jumys isteýmen baılanysty laýazymdardy atqarý quqyǵynan 2 (eki) jyl merzimge aıyra otyryp, oǵan túpkilikti 7 (jeti) jyl 6 (alty) aı merzimge bas bostandyǵynan aıyrý jazasy, jazany qylmystyq-atqarý júıesiniń qaýipsizdigi ortasha mekemesinde óteý jazasy taǵaıyndalǵan.

Sot úkimi áli zańdy kúshine engen joq.

Ashyq derekkózderde bul oqıǵa Túrkistan qalasyndaǵy Nazarbaev zıatkerlik mektebiniń oqýshylaryna qatysty ekeni aıtyldy. Iaǵnı, Nazarbaev mektebiniń 10-synyp oqýshysy 9-synyp oqýshysyna seksýaldy zorlyq kórsetkeni týraly aqparat tarady. Bul aqparat áli resmı rastalǵan joq. 

Bul maqala týraly ne oılaısyz?