Tiri bolsam, qazaqqa qyzmet etpeı qoımaımyn!

Álıhan Bókeıhan

Nazarbaev ýnıversıtetiniń aqshasyna da, erkindigine de tıispeımiz - MINISTR

21 mamyr 2024 207

Qazaqstannyń Ǵylym jáne joǵarǵy bilim mınıstri Saıasat Nurbek Nazarbaev ýnıversıtetiniń burynǵy basshysy Shıgeo Katsýdyń málimdemesine jaýap qatty, dep habarlaıdy Alash.kz.

Katsý "oqý ornynyń akademıalyq erkindigi men ınstıtýsıonaldyq derbestigine qaýip tónip tur" degen bolatyn. Saıasat Nurbek: 

– Birinshiden, qazirgi tańda Úkimet jáne bizdiń mınıstrlik tarapynan Nazarbaev Ýnıversıtetiniń áleýetin saqtap qalý, akademıalyq derbestigin saqtap qalý áreketteri jasalyp jatyr. Jaýapty túrde men sizge aıtaıyn: Nazarbaev Ýnıverıtetiniń qarjylandyrý suraqtaryna, akademıalyq suraqtaryna eshqandaı Úkimet tarapynan shekteý nemese toqtatý bolmaıdy, – dedi Saıasat Nurbek Úkimettiń baspasóz ortalyǵynda.

Mınıstr oqý ornyna jańa basshy izdestirilip jatqandyǵyn baıandady. 

– Jaqyn arada jańa prezıdenti taǵaıyndalady. Óte myqty, tájirıbeli maman izdep jatyrmyz, – deıdi ol.

Saıasat Nurbek oqý ornynyń áleýetin kóterý basty maqsat ekenin aıtady. Sózinshe, múmkin birneshe tıimsiz baǵyttar jabylýy múmkin, biraq negizgi qoldaý esh ózgermeıdi deıdi ol.

– Halyqaralyq standarttarǵa saı, tolyqqandy zertteýshi oqý orny – Nazarbaev Ýnıversıteti. Jaqynda Times Higher Education - THE halyqaralyq reıtıńi shyqqan. Sona NÝ Qazaqstanda, Azıadaǵy jaqsy ýnıversıtetterdiń ishinde birinshi orynda tur, – deıdi ol.

Bul maqala týraly ne oılaısyz?