Tiri bolsam, qazaqqa qyzmet etpeı qoımaımyn!

Álıhan Bókeıhan

"Nazarbaev - táýelsiz Qazaqstannyń negizin qalaýshy"

26 sáýir 2022 104
[ad_1]



Qazaqstan Konstıtýsıasyn ózgertý boıynsha jumys toby Ata zańǵa eldiń eks-prezıdenti Nursultan Nazarbaevty "táýelsiz Qazaqstannyń negizin qalaýshy" dep statýspen engizýdi usyndy. Bul týraly 25 sáýirdegi brıfıńte jumys tobynyń múshesi Ermek Abrasýlov málimdedi.

"Jumys toby bul statýsty Konstıtýsıada kórsetýdi uıǵardy. Iaǵnı, Qazaqstannyń birinshi prezıdenti – táýelsiz Qazaqstannyń negizin qalaýshy. Iaǵnı, osy statýs bekitiledi" dedi Abrasýlov.

Ol bul statýstyń "óte mańyzdy" dep, "[Nazarbaevtyń] álem kórip otyrǵan laıyqty eńbegi Konstıtýsıada bekitiletinin" aıtty.

Al konstıtýsıalyq quqyq boıynsha zańger Akıf Súleımenov Azattyqqa pikirinde eks-prezıdenttiń statýsyn Konstıtýsıaǵa bekitý Konstıtýsıanyń negizine qarama-qaıshy ekenin aıtady.

– Mysaly, Konstıtýsıada "barlyq azamat jynysy, shyqqan tegine qaramastan teń" dep jazylǵan. Al Nazarbaevtyń statýsyn bekitse, bul Konstıtýsıadaǵy "Biz, ortaq tarıhı taǵdyr biriktirgen Qazaqstan halqy, baıyrǵy qazaq jerinde memlekettilik qura otyryp..." dep bastalatyn kirispesine qarama-qaıshy bolmaq. Nazarbaev – táýelsiz Qazaqstannyń negizin qalaýshy emes, Qazaqstan Sovet odaǵynyń ydyraýynan quryldy, – deıdi zańger.

Akıf Súleımenov kerisinshe Konstıtýsıadaǵy "Qazaqstannyń tuńǵysh prezıdenti – elbasynyń mártebesi ózgermeıdi" degen 91-baptyń 2-bóligi tolyǵymen alynyp tastalady dep úmittengen.

– Biraq bizde statýsty bekitpek. Bul statýsty bekitýge múlde bolmaıdy, – deıdi zańger.

Qańtar qyrǵynynan keıin (resmı derek boıynsha, kemi 230 adam qaza tapty, 8 adam qamaýda kóz jumdy) Qazaqstan prezıdenti Qasym-Jomart Toqaev reforma jasaıtynyn jarıalap, Nazarbaevtyń jaqyndaryn qyzmetten alǵan. Qańtar oqıǵasy kezinde Nazarbaev Toqaevqa Qaýipsizdik keńesiniń tóraǵalyǵyn bergen. Al Toqaev Nazarbaevtyń Qaýipsizdik keńesine ómir baqı tóraǵalyǵyn joıatyn zańǵa qol qoıdy.

Ótken aptada eldiń ádilet mınıstri Qanat Mýsın Nazarbaevtyń ókilettikterin odan ári qysqartý qarastyrylmaıtynyn, biraq zańǵa ózgertý engizý "halyq pikirine baılanysty" dep aıtqan. Al naýryzda Mýsın mınıstrlik birinshi prezıdent týraly zańǵa ózgertý engizýdi qarastyrmaıtynyn da jetkizgen.



[ad_2]

Derekkóz
Bul maqala týraly ne oılaısyz?