Tiri bolsam, qazaqqa qyzmet etpeı qoımaımyn!

Álıhan Bókeıhan

Nazarbaev qubyjyq qubylys - ÁMİRJAN QOSANOV

10 mamyr 2024 452

Saıasatker, jýrnalıs Ámirjan Qosan soıqan suhbat berdi dep habarlaıdy Dalanews.kz.

Onyń sózinshe, buǵan úsh másele áser etip otyr. Sondaı-aq, Ámirjan Qosan Jańa Qazaqstan ıdeıasy tolyqqandy júzege asyp jatyr dep aıta almaıtynyn jetkizdi.

"Onyń úsh sebebi bar. Birinshiden, Nazarbaevtyń faktory bar. Qalaısyz, qalamaısyz ba, Qazaqstanda ómir súrip jatyrmyz. 2019 jyly Nazarbaev Toqaevty tańdaǵanda ózara kelisimsharttary boldy. Biz ony joqqa shyǵara almaımyz. Ekinshi faktor, ol - bizdiń kadrlar. Eski kadrlarmen jumys istep jatyrmyz. Jaqynda Saǵyntaevty esep-aýdıtorlyq palatanyń tóraǵasy qyldy. Al aýdıtorlyq palata - Úkimettiń búdjetti qalaı jumsaǵanyn tekseretin uıym. Sonda qalaı Saǵyntaev óziniń jumsaǵan aqshasyna durys pa, burys pa dep baǵa bere alady?! Óıtkeni ózi premer-mınıstr boldy ǵoı. Sondyqtan palataǵa táýelsiz tulǵalar barýy kerek. Kadrlyq sheshimder Eski Qazaqstandy áli ustap turǵan sıaqty.

Úshinshi - bıliktiń, sonyń ishinde Prezıdent Toqaevtyń saıası erik pen jigerine baılanysty. Saıası erik pen jiger degen - Eski Qazaqstanmen at quıryǵyn kesisý. Birinshi sebepte aıtqan, Nazarbaevpen bolǵan ýádelerdi halyqqa aıtý. ...Nazarbaevqa, onyń otbasyna, bala-shaǵasyna, nemerelerine, aınalasyna aıtylǵan ýádelerin joıý kerek sıaqty. Sonyń ýaqyty keldi. Áıtpese erteń kesh bolady", - dedi ol "Soıqan suhbatqa"

Sonymen qatar, saıasatker Nazarbaevty "qubyjyq qubylys" dep atady.

"Nursultan Nazarbaev degen jarlyqpen, úkimmen jumystan shyǵyp qalatyn tulǵa emes qoı. Nursultan Nazarbaev degen qubylys, bul - proses. Onyń 30 jylda qalyptastyrǵan salt-dástúri bar. Qudalyqtan bastap bite qaınasqan adamı qarym-qatynastary bar. Sol qubyjyq qubylys áli bılep otyr. Qalaımyz ba, qalamaımyz ba?! Sondyqtan eski kadrlardan arylý kerek. ...Tragedıalyq tulǵa (Nazarbaev - esk.). Óıtkeni onyń qolynda múmkindik boldy. Bir kúnniń ishinde ol Memleket basshysy bolyp shyǵa keldi. Memlekettiń jer qoınaýynda Mendeleevtiń kestesi bar. Baı memlekettiń basshysy bolyp shyǵa keldi. Eger ol 30 jyldyń ishinde demokratıalyq, ádiletti saıasat júrgizgen kezde áli de otyrar ma edi?" - dedi Ámirjan Qosan.

Bul maqala týraly ne oılaısyz?