Tiri bolsam, qazaqqa qyzmet etpeı qoımaımyn!

Álıhan Bókeıhan

Nazarbaev dáýirinde bılik etkenderdiń Dýbaıdan dúrkiregen aktıvteri tabyldy

15 mamyr 2024 609

QR burynǵy prezıdenti Nursultan Nazarbaev týystarynyń, Májilistiń burynǵy spıkeri Nurlan Nyǵmatýlınniń jáne ózge de Nazarbaev dáýiriniń birneshe ókilderiniń Dýbaıda qymbat jyljymaıtyn múlik túrindegi kóptegen aktıvteri tabyldy, dep habarlaıdy Alash.KZ ulttyq ortaly Vlast-qa silteme jasap.

Sonymen qatar, Dýbaıdaǵy qazynagerlerdiń arasynda burynǵy prezıdent Nursultan Nazarbaevtyń jubaıy, «Astana Balet» teatrynyń art-jetekshisi Ásel Qurmanbaevanyń múlikteri de bar.

Portaldyń kórsetýinshe, onyń Dýbaıdaǵy jyljymaıtyn múlkiniń quny 270 myń dollardan asatyn páter bolǵan. 

Qurmanbaeva 2000-jyldary "ofshorlyq kompanıalar arqyly Nazarbaevtyń jaqyn adamdarynan 30 mıllıon dollar alǵany" anytaldy.

Al Májilistiń eks-spıkeri Nyǵmatýlınniń áıeli Venera Baımyrzaeva atyna tirkelgen ondaǵan jyljymaıtyn múlik tabyldy.

Kásipker retinde kórsetilgen Venera Baımýrzaevanyń Dýbaıdaǵy jyljymaıtyn múlkiniń jalpy quny 4,3 mıllıon dollardan asady. Sany - 50-den astam jyljymaıtyn múlik.

Odan bólek, Ortalyq saılaý komısıasynyń burynǵy basshysy Berik Imashevtyń uly Áljan Imashevtyń Dýbaı qalasyndaǵy Nazarbaevtyń ekinshi áıeli qonystanǵan jasandy aral aýmaǵynda quny 1 mıllıon dollardan asatyn páteri bolǵan. Aıta keterligi, quny shamamen 210 myń dollar turatyn páterdi Ortalyq saılaý komısıasynyń burynǵy basshysy qyzmetin atqarǵan Imashevtyń áıeli Leıla Aıdarbekovadan da taýyp alǵan.

Dýbaıda taǵy da Nazarbaev dáýiriniń ókilderine tıesili múlik anyqtaldy.

Almaty oblysynyń burynǵy ákimi Amandyq Batalovtyń áıeli Baǵdat Batalova Dýbaıdaǵy elıtalyq turǵyn úı kesheninen quny shamamen 210 myń dollar turatyn eki bólmeli páterdiń ıesi. İsti bolǵan burynǵy qorǵanys vıse-mınıstri Baǵdat Maıkeevtiń Dýbaıda quny 500 myń dollardan asatyn páteri bar.

Sottalǵan Nazarbaevtyń nemere inisi Qaırat Satybaldynyń Dýbaıda quny 2,2 mıllıon dollardan asatyn bes páteri bar ekeni belgili boldy.

Eks-prezıdenttiń qyzy Darıǵa Nazarbaevanyń kúıeýiniń týystary: Qaırat Sháripbaevtyń qyzy Qorlan Sháripbaevanyń atynda Dýbaıdaǵy shamamen 250 myń dollar turatyn páter bar.

Qańtar oqıǵasy boıynsha tergelip jatqan İshki ister mınıstrliginiń burynǵy basshysy Erlan Turǵymbaevtyń uly Marlen Turǵymbaevqa quny 347 myń dollar turatyn páter tıesili bolsa, Shyǵys Qazaqstan oblysynyń eks-ákimi Danıal Ahmetovtyń uly Talǵat Ahmetovtyń atynda shamamen 1,6 mıllıon dollar turatyn vılla bar.

Al Túrkistan oblysynyń eks-ákimi Ómirzaq Shókeevtiń aǵasy Serik Estaı men jubaıy Aıjan Asanovanyń atynda jalpy quny 1,7 mıllıon dollarǵa jýyq 8 páter bar ekeni belgili boldy.

Odan bólek, quqyq qorǵaý organdarynyń burynǵy joǵary laýazymdy qyzmetkeri Sergeı Kýzmenkonyń atynda da múlik bar ekeni anyqtaldy. Kýzmenkonyń Dýbaıda quny 348 myń dollar bolatyn eki bólmeli páteri bar bolyp shyqty.

Bul maqala týraly ne oılaısyz?