Ómirin ǵylym men baılanystyrǵan ol magıstratýraǵa Italıanyń La Sapenza (La Sapienza) ýnıversıtetine geopolıtıka jáne álemdik qaýypsizdik mamandyǵyna túsedi. Bul múldem jat sala bolǵandyqtan qansha qınalsada oqýyn jaqsy nátıjemen aıaqtap otanǵa oralady da Astanadaǵy Ulttyq Ǵarysh ortalyǵyna jumysqa ornalasady.
Osy kompanıada 5 jyl jumys jasap eki úlken jobaǵa qatysady: alystan basqarylatyn jasandy serik (spýtnık) jasaý, zymran qurastyrý jáne spýtnık basqarý júıesi.
Osydan soń Bolashaq baǵdarlamasy men Germanıadaǵy áıgili IABG kompanıasynda "Ǵaryshtyq júıelerdi synaý ortalyǵynyń ınjener" mamandyǵyn alypty
Osy jerde isteı júrip, apta sońynda sabaqqa qatysyp júrip, ataqty UC Berkeley ýnıversıtetinen MBA (bıznes) oqyp alypty.
Endi Bolashaq baǵdarlamasy men ketken soń qaıtyp kelip kem degende úsh jyl elimizde qyzmet óteý kerek qoı, zań boıynsha. Ol zańnan attamaı 3 jyl Astanada burynǵy jumysyn jalǵastyrypty.
Sóıtip júrgende jańaǵy Álemdik Aeroǵarysh Kompanıasynan shaqyrtý alypty.
Bar armanym "osy Londonda 5-6 jyl jumys istep, tájirıbe jınap, elge qaıtyp kelip Ortalyq Azıadaǵy túrki tildes elderdiń ǵarysh salasyn damytqym keledi" dep jazǵan eken Sapar Sataıuly.
Biz de óz tarapymyzdan elim degen otanshyl uldyń ǵylym jolyndaǵy saparyna sáttilik tileımiz.
Jeksen Toqtarbaı
https://youtu.be/8OsJVATJl-c
