Tiri bolsam, qazaqqa qyzmet etpeı qoımaımyn!

Álıhan Bókeıhan

Móldir bulaq: Jetisýda sý qoımalary men ózen arnalary tazartyldy

10 mamyr 2024 244

Respýblıkalyq «Taza Qazaqstan» ekologıalyq aksıasy bastaý alǵannan beri oblys turǵyndary, volonterler, jastar uıymdary, medısınalyq jáne bilim berý mekemeleriniń qyzmetkerleri, sonymen qatar, óńir sportshylary men ónerpazdary – jalpy  103 myńnan astam adam atsalysyp, 803 tehnıka jumyldyryldy. Ekologıalyq aksıalar nátıjesinde 4 875 tonna qoqys shyǵaryldy. Oblys aýmaǵynda jalpy 29 514 túp aǵash otyrǵyzyldy.

Búgingi tańda atalmysh aksıanyń «Móldir bulaq» naýqany jalǵasýda. «Móldir bulaq» – ózen, kólder mańyna tazalyq jumystaryn júrgizip, jaǵajaılardy qoqystan tazartýǵa baǵyttalǵan ekologıalyq aksıalardan turady.

Kerbulaq aýdanynda da ekologıalyq sharalar legi jalǵasyn taýyp, Basshı aýylyndaǵy Araltóbe jáne Enkól sý qoımalaryna tazartý jumystary júrgizilip, aýmaǵyna senbilik jasaldy. Sharaǵa barlyǵy 110 adam qatysty.Al, Eskeldi aýdany Kókjazyq, Qaınarly aýyldaryna qarasty bulaqtardyń kózin, ózen sýlarynyń arnasyn ashty. 70 astam turǵyndar men eriktiler qatysqan eko-shara nátıjesinde 6 tonna qoqys shyǵarylyp, 2500 m2 aýmaq tazartyldy.Atalmysh sharalar Alakól aýdanynyń Sapaq, Terekti, Qyzylashy jáne Janamaaýyldarynda aryq júıeleri tazartylyp, bulaq kózderi ashyldy.

Jalpy oblys boıynsha osy aptada 20 myńǵa jýyq adamnyń qatysýymen, 50 ekologıalyq shara josparlanǵan.

 

 

Bul maqala týraly ne oılaısyz?