Tiri bolsam, qazaqqa qyzmet etpeı qoımaımyn!

Álıhan Bókeıhan

"Mysyqty shetinen soıyp, bizge tamaq beredi": Shymkentte asyrandy balalar ábden azaptalǵan

04 maýsym 2024 753

Shymkentte 6 balany asyrap alǵan otbasy balalarǵa ıt pen mysyqtyń etin jegizip, zárin ishkizgen. Bul otbasynyń 6 balany asyrap alǵany jaıly Balalar quqyqtary jónindegi Ýákil Dınara Zákıeva jazǵan bolatyn. Endi áleýmettik jelide osy aýyr qylmysty jasady degen kúdikti emshiniń vıdeosy tarady, dep habarlaıdy Alash.kz saıty.  

Otbasy asyrandy 6 balany jyldar boıy azaptap kelgen. Emshilikpen aınalysatyn otaǵasy balalardy jýyndyrmaı, ash qursaq ustaǵan. It pen mysyqtyń etin jegizip, zárin ishkizgen. "Ulyqbek" esimdi atpen tanymal bul er adamnyń áreketi jaıly balalardyń quqyǵyn qorǵaıtyn top tekserýge barǵanda anyqtaǵan dep jazdy Azattyq Rýhy.

Shymkent qalasy boıynsha balalardyń quqyǵyn qorǵaý ýákili Janetta Jazyqbaeva aıtqandaı balalar ash bolǵan.

«Saraılaryna kirdik. Gaz ballonynda 3 mysyq baılaýly tur eken. Bala bul mysyqty shetinen soıyp, bizge tamaq beredi dedi. Múldem shomylmaǵan, denelerin qasyǵan. Túnde balalardy qasynbasyn dep baılap qoıady eken», - deıdi Jazyqbaeva.

Asyrandy balalardyń eń úlkeni 16 jasta bolsa, kishisi 3 jasta. Jaýyzdyqtan japa shekken eresek  ekeýi beıimdelý ortalyǵyna ornalastyrylyp, taǵy tórteýi balalar úıine jetkizildi.

Er adamnyń ózi «sandyraq sındromy» dıagnozymen Talǵardyń psıhıkalyq aýrýhanasynda jatyr. Kókbulaq aýylynda bolǵan bul jaǵdaıdan aýyl tutas habarsyz, bir atadan týǵan baýyrlary da bilmegen. Er adamnyń ústinen qylmystyq is qozǵalǵan, qazir is sotqa joldandy.

Bul maqala týraly ne oılaısyz?