Tiri bolsam, qazaqqa qyzmet etpeı qoımaımyn!

Álıhan Bókeıhan

"Mektep jaǵdaıdy jasyryp baqqan". Álimjettikten qaza tapqan oqýshyǵa qatysty taǵy bir derek aıtyldy

18 mamyr 2024 270

Jambyl oblysy, Baızaq aýdany,Qumjota aýlyndaǵy oqýshynyń mekteptegi álimjettik kesirinen qaza tapqany habarlandy. Oqýshy on tórt jasta bolǵan. Bul týraly Alash.KZ ulttyq portaly Orda.kz-ke súıene otyryp habarlaıdy. 

Qaıtys bolǵan balanyń týystarynyń aıtýynsha,úı mańyndaǵy ájethanada toǵyzynshy synyp oqýshylary ózinen kishi balany uryp ketken. Segizinshi synyp oqýshysy keýde tusynan birneshe ret soqqy alyp, esinen tanǵan. Oqýshy oqıǵa ornynda kóz jumǵan.

Keıinnen mektep ákimshiliginiń qylmysty jasyrýǵa tyrysqany da aıtyldy. 

"Jas Alash" basylymynyń habarlaýynsha, medısınalyq saraptamadan ótkizý úshin ekspertter balany alyp ketken. Keıinnen kóńil aıtýǵa kelgen mektep dırektory, onyń orynbasary, muǵalimderden Raýshan Qudasova «Mırasqa ne boldy?» dep qaıtadan suraǵan. Mektep ákimshiligi biraýyzdan «dárethanaǵa baryp qaıtys boldy» degen sózinen tanbaǵan. Mırastyń ata-anasy olardyń sózine bir kún boıy senip júrgen.

«Keshke qaraı úıdegi inilerim álimjettik bolǵany týraly aıtyp keldi. Úlken synyptyń balalary ulymdy uryp óltirip otyr. Sotta urǵan bala «bir ret urdym qulamady, ekinshi ret urǵanda qulady. Maǵan «ur» dedi urdym» dep moıyndap tur. Bizde 8 klasta 4 synyp bar. Mırasty uratyn kúni ár synyptan 4 oqýshydan jınap ájethanaǵa aparǵan. Muǵalimderi oqýshylardy izdemegen. Mıras ájethanada qulap qalǵanda, ony ájethanaǵa kelgen muǵalim taýyp alǵan. Dırektor oqýshylardy «tis jarmańdar» dep keshke deıin kabınetinde ustap otyrǵan», - deıdi Raýshan Qudasova.

Jambyl oblysy polısıa departamenti baspasóz qyzmetiniń málimetinshe, kúdikti ýaqytsha ustaý ızolátoryna qamaýǵa alynǵan.

"Oqýshynyń ólimi deregi boıynsha qylmystyq is qozǵaldy. Kúdikti – kámeletke tolmaǵan bala ýaqytsha ustaý ızolátoryna qamaqqa alyndy. Sondaı-aq, mektep basshylyǵy men oqytýshy quramǵa qatysty balalardyń densaýlyǵy men ómiriniń qaýipsizdigin qamtamasyz etý boıynsha mindetterdi tıisinshe oryndamaǵany úshin qylmystyq is qozǵaldy. Basqa málimetter tergeý múddesine baılanysty jarıalanýǵa jatpaıdy", - delingen polısıa habarlamasynda.

Bul maqala týraly ne oılaısyz?