Tiri bolsam, qazaqqa qyzmet etpeı qoımaımyn!

Álıhan Bókeıhan

Mańǵystaýda oblysynda sońǵy qońyraý tóbelespen aıaqtaldy

26 mamyr 2024 382

Keshe sońǵy qońyraýda Mańǵystaý oblysynyń Beıneý aýdanyndaǵy Boranqul aýylynda mektep túlekteri jappaı tóbeles shyǵarǵan. Naqty sebebi ázirge belgisiz, - dep habarlaıdy Alash.kz.

Áleýmettik jelide taraǵan vıdeoda ondaǵan oqýshy tóbelesip, tipti keıbiri tas laqtyryp jatqanyn kórýge bolady. Tóbelestiń naqty sebebi aıtylǵan joq, biraq tergeý tekserý júrip jatqany habarlandy. 

Artynsha túlekterdiń ata-analary Boranqul aýylynda 25 mamyr kúni bolǵan sońǵy qońyraýdan keıin bolǵan jappaı tóbeleske qatysty birneshe beıneúndeý jasady. 

Ata-analar balalarynyń áreketteri úshin Qazaqstan turǵyndarynan keshirim surady. Túlekterdiń ákeleri men analary tóbeles nátıjesinde eshkim dene jaraqatyn almaǵanyn aıtty. Olardyń aıtýynsha, muǵalimder, mektep dırektory jáne polısıa qyzmetkerleri túsindirý jumystaryn júrgizdi. Eshqandaı shaǵym joq.

Túlekterdiń ózderi de keshirim surady. Olar tóbelestiń sebebi qandaı da bir "kelispeýshilik" bolǵanyn aıtty. Sondaı-aq olar ata-analardan, mektep basshylyǵynan jáne muǵalimderden keshirim surady.

Aımaq polısıa departamenti buzaqylyq faktisi boıynsha qylmystyq is qozǵalǵanyn aıtty. Polısıaǵa 47 kámeletke tolmaǵan bala jetkizildi.

Bul maqala týraly ne oılaısyz?