Tiri bolsam, qazaqqa qyzmet etpeı qoımaımyn!

Álıhan Bókeıhan

"Maǵan báribir". Áıelin soqqyǵa jyqqany habarlanǵan dıplomat zańnan esh seskenbeıtinin aıtqan

12 mamyr 2024 504

Sáken Mamashtyń jubaıy kóp jylǵy azabyna qatysty jantúrshigerlik jaǵdaıdy egjeı-tegjeıli aıtyp berdi. Astana polısıasy Qazaqstannyń Birikken Arab Ámirlikterindegi Elshiliginiń keńesshisine qatysty qylmystyq is qozǵady. Sáken Maman óz áıelin únemi uryp, azaptady degen kúdikke ilindi, dep habarlaıdy Alash.KZ ulttyq portaly. 

Karına Mamash KTK arnasyna qazirgi jaǵdaıyn aıtty jáne jarynyń bassyzdyǵy jaıly pikir bildirdi:

- Men qazir ózimdi qaýipsiz sezinemin. Meniń janymda balalar, anam, ápkem bar. Mende jaqsy jaǵynan ózgerister bar Kóptegen jyldar boıy qorqynyshpen ómir súrdim. Eshqaıda barmadym. Onyń keıbir týystary meniń qınalyp júrgenimdi bildi. Jıeni meniń murnymdy tigý úshin aýrýhanaǵa apardy. Árıne, olar meniń artyq eshteńe aıtpaýymdy baqylap otyrdy. Men ketemin dep aıtqan joqpyn. Men istiń nasyrǵa shapqanyn aıtyp, oǵan eskertý jasadym. "Eger siz meni urýdy toqtatpasańyz, sizdi túrmege otyrǵyzady" dedim. Ol kúldi de, "maǵan pofıg" dedi, - dep aıtty Karına Mamash.

Eske sala keteıik, osydan birneshe kún buryn qazaqstandyq áıel BAÁ-degi elshilikte keńesshi bolyp isteıtin kúıeýi ápkesi ekeýin urdy dep aıyptaǵan bolatyn.

"10 jyl boıy ol meni zorlap, uryp-soǵyp keledi. Maǵan jáne onyń qasyndaǵy balalaryma da qaýip tónip tur. Men memleketimizden kómek suraımyn", - deıdi áıel vıdeoda.

Sol kúni Syrtqy ister mınıstrliginiń ókili bul qyzmetker shuǵyl túrde Qazaqstanǵa shaqyrtylǵanyn, endi onyń isimen quqyq qorǵaý organdary aınalysatynyn málimdedi. Al 9 mamyrda Qazaqstannyń Birikken Arab Ámirlikterindegi (BAÁ) elshisiniń keńesshisi Sáken Mamashtyń áıeli Karına Mamash Astanadaǵy daǵdarys ortalyǵyna ornalasqan bolatyn. 

Bul maqala týraly ne oılaısyz?