Tiri bolsam, qazaqqa qyzmet etpeı qoımaımyn!

Álıhan Bókeıhan

Lýkashenko ylańy. Belarýstegi 500-ge jýyq JOO qyzmetkerleri saılaýdaǵy bassyzdyqty aıtqany úshin qyzmetten qýylǵan

05 maýsym 2024 269

BMÝ-diń 500-ge jýyq qyzmetkeri saıası sebeptermen jumystan ketýge májbúr bolǵan, deıdi ýnıversıtet rektory Andreı Koról "Kıberpartızandar"qaýymdastyǵy jarıalaǵan aýdıojazbada. Bul jaıly Alash.KZ ulttyq portaly habarlady.

Belarýs memlekettik ýnıversıtetiniń (BMÝ) 500-ge jýyq qyzmetkeri 2020-2023 jyldar aralyǵynda Belarýs prezıdentiniń saılaýyndaǵy bassyzdyqtardy, burmalaýǵa derekterin ashyq aıtyp, qarsy shyǵyp, jappaı narazylyqtardy qoldaǵany úshin jumystan ketýge májbúr bolǵan. Bul týraly ýnıversıtet rektory Andreı Koról dúısenbi, 3 maýsymda, "Kıberpartızandar" hakerler qaýymdastyǵy jarıalaǵan aýdıojazbada málimdegen.

BMÝ qyzmetkerlerimen eńbek qatynastaryn toqtatý "Memlekettik múddeler men qaýipsizdik salasynda júrgizilip jatqan kadr saıasatymen" baılanysty, deıdi JOO rektory aýdıojazbada.

Onyń sózderi jazylǵan jazba 2023 jyldyń jazynda BMÝ ishki jelisin buzǵan "kıber partızandar" qol jetkizgen faıldar arasynda áshkerelendi.

BMÝ rektorynyń bes júzge jýyq qyzmetkerdi jumystan bosatý týraly aıtqanyn  tapqan hakerler dereginiń shyndyqqa janasatyny da rastaldy. Derek 2018 jyldan 2022 jylǵa deıin ózgergen JOO qyzmetkerleriniń sany týraly derektermen sáıkes keledi. Atap aıtqanda, Belarýs memleketinde 2020 jyldan 2022 jylǵa deıin 450-den astam adam qyzmetten shettetilgeni naqtylanyp otyr.

Bul maqala týraly ne oılaısyz?