Tiri bolsam, qazaqqa qyzmet etpeı qoımaımyn!

Álıhan Bókeıhan

"Lýdomanıaǵa qarsy kúrestiń 2024-2026 jyldarǵa arnalǵan keshendi jospary qabyldanady" - Qarın

03 sáýir 2024 196

Qazaqstan Respýblıkasynyń Memlekettik keńesshisi Erlan Qarın óziniń telegram arnasynda Atyraýda ótken quryltaıdyń mán-mańyzyna toqtalyp, saıası bastamalar men betburystarǵa baǵa berdi, dep habarlaıdy Alash.KZ ulttyq portaly. 

Saıasatker óz sózinde úshinshi otyrysta talqylanǵan máselelerdiń mańyzyn zerdelep, keleshektegi jospardy talqylady: 

  • Prezıdent Ákimshiligi Ulttyq quryltaıdyń úshinshi otyrysynan keıin Úkimetpen birlesip, Memleket basshysynyń bastamalaryn tıimdi júzege asyrý joldaryn pysyqtady. Sonyń nátıjesinde búgin Prezıdent tapsyrlamalaryn oryndaýǵa arnalǵan jospar qabyldandy. Qujattyń kólemi aýqymdy, 40 tarmaqtan turady. Onda túrli is-sharalar kózdelgen. Josparǵa sáıkes 10 zań (esirtki óndirgeni úshin jaýapkershilikti qatańdatý, lýdomanıaǵa qarsy kúresý, tarıhı nysandardy qorǵaý, arheologıa salasy, onomastıkaǵa qatysty jumys, memlekettik nagradalar týraly jáne basqalary) ázirlenip qabyldanady.

Sonymen qatar, avtor lýdomanıaǵa qarsy kúrestiń 2024-2026 jyldarǵa arnalǵan keshendi jospary qabyldanatynyn málimdedi: 

  • Sondaı-aq zańsyz oıyn bıznesine jáne lýdomanıaǵa qarsy kúrestiń 2024-2026 jyldarǵa arnalǵan keshendi jospary jáne basqa da baǵdarlamalyq qujattar qabyldanbaq. Bir sózben aıtsaq, Prezıdenttiń Atyraýda kótergen bastamalary quzyrly memlekettik organdardyń uzaq merzimge arnalǵan jumysyna arqaý bolyp otyr.
Bul maqala týraly ne oılaısyz?