Tiri bolsam, qazaqqa qyzmet etpeı qoımaımyn!

Álıhan Bókeıhan

"Kólikte bolǵan depýtat pen eki muǵalim qaza tapty". Aqtóbe oblysynda jol apaty boldy

11 mamyr 2024 450
Aqtóbe oblysy, Yrǵyz aýdany máslıhatynyń 28 jastaǵy depýtaty, aýdannyń veterınar dárigeri jol apatynan qapıada kóz jumdy. Olardyń artynda mektep jasyndaǵy 3 bala qaldy, dep habarlaıdy Alash.KZ ulttyq portaly Moı Gorod basylymyna silteme jasap.

Aqtóbe oblysyndaǵy tas jolda máslıhat depýtaty jáne erli-zaıypty muǵalimder kólik apatynan kóz jumdy. 

Jol apaty 9 mamyrda Samara-SHymkent tas jolynda bolǵan. Yrǵyzǵa jaqyndap qalǵan VAZ jeńil kóligi óz baǵytynda kele jatqan  MAN júk kóliginiń artynan soqqan. Saldarynan jeńil kóliktegi 3 adam qaza tapqan.

Kólikti Yrǵyz mektebinde dene shynyqtyrý páninen sabaq bergen 45 jastaǵy muǵalim júrgizgen. Ol aýrýhanaǵa túsken soń qaza tapqan. Onyń áıeli oqıǵa ornynda kóz jumǵan. Áıel de sol mektepte bastaýysh synyptyń muǵalimi bolyp jumys istegen. Olardyń artynda mektep jasyndaǵy 3 bala qaldy. Kóz jumǵan úshinshi jolaýshy Yrǵyz aýdany máslıhatynyń 28 jastaǵy depýtaty, aýdannyń veterınar dárigeri bolǵan.

Aqtóbe oblysynyń polısıa departamenti bolǵan oqıǵa boıynsha sotqa deıingi tergeý júrip jatqanyn habarlady.

Bul maqala týraly ne oılaısyz?