Tiri bolsam, qazaqqa qyzmet etpeı qoımaımyn!

Álıhan Bókeıhan

Kitap alatyn balalardy bul kitaphanada artyq qurmetteıdi - Álıhan Bókeıhan

23 sáýir 2024 228

Nıý-Iork - Amerıkada bizdiń orystyń Moskvasy sıaqty qala, osy qalada Astýr hám Karnegı degen baılar salǵyzǵan kitaphana bar, bir qalada kitap qyryq jerde oqýǵa beriledi. Bir adam bolsa ıa alty som amanat berse, suraǵan kitaby eki-tórt jumaǵa beriledi. Bul kitaphanada tabylmaıtyn kitap bolmaıdy.

1912-shi jyly eki júz on jeti myń toǵyz júz jetpis segiz kisi - jeti mıllıon toǵyz júz alpys toǵyz myń alty júz alpys tórt kitap alyp oqyǵan.

Kitap alatyn balalardy bul kitaphanada artyq qurmetteıdi. Ótken jyly balalar alyp oqyǵan kitap eki mıllıon toǵyz júz elý toǵyz myń qyryq tórt.

Soqyrlarǵa beretin kitaptar óz aldyna. Soqyr kitaptaryn qolmen sıpat oqıtyn árippen badyraıtyp basqan bul kitaphanada soqyrdy oqytatyn medrese taǵy bar.

Kitaphananyń otyz mıllıon som aqshasy bolyp, bir jylǵy shyǵyny eki mıllıon eki júz seksen som, munda bir mıllıon eki júz otyz eki somyn Nıý-Iorý qalasy beredi.

Bir jylǵy satyp alǵan kitapqa ustaǵan aqsha bir júz qyryq myń tórt júz jeti som. Qyzmet qylatyn toǵyz júz jıyrma jeti kisisi bar.

Qyr balasy.

«Qazaq» gazeti, №16, 1913 jyl

Derekkóz: Bókeıhan Álıhan Nurmuhameduly (1866-1937).

Shyǵarmalarynyń 9 tomdyq tolyq jınaǵy.5 tom.– Astana, 2013.

Alash.kz ulttyq portaly

Bul maqala týraly ne oılaısyz?