Ispanıanyń Katalonıa Joǵarǵy soty jergilikti turǵyndar men Nazarbaevtar otbasy arasyndaǵy uzaq ýaqytqa sozylǵan sot daýyna núkte qoıdy.
Qaqtyǵystyń sebebi - Qazaqstannyń eks-prezıdentiniń otbasyna tıesili múliktiń aýmaǵy arqyly ótetin kópshilik joldyń jabylýy bolǵan.
Can Juncadella jyljymaıtyn múlik kesheni Kosta Bravada ornalasqan Loretta de Mar kýrorttyq qalasynda ornalasqan. 2007 jyly ony Nazarbaevtar otbasy satyp alǵan.
Al, 2009 jyly Nazarbaevtar otbasy kópshilik ótetin joldy bógep, arnaıy kúzetpen jaýyp tastady.Al, bul aýmaq arqyly ótýdi zańdy quqyǵy dep sanaǵan azamattar sotqa júgingen.
Endi Katalonıa Joǵarǵy sotynyń sheshimine sáıkes, Tımýr Qulybaev pen onyń jubaıy Dınara Nursultanqyzynyń qurylymdary baqylaıtyn ıspandyq Flinder Data SL kompanıasy joldy kópshilik paıdalaný úshin ashýǵa mindetteldi.
Bul sheshimge týrısik marshrýttar ashýdy burynnan josparlaǵan tabıǵat qorǵaý belsendileri erekshe qýandy. Olar qarar jarıalanǵannan keıin birden baǵdarlamalardy ázirleýge kiriskenin habarlady.
Aıta keteıik,Can Juncadella jyljymaıtyn múlik kesheni Kosta Bravadaǵy Loretta de Mar kýrorttyq qalasynda ornalasqan. Bul Jerorta teńiziniń ústindegi baqylaý palýbasyna kirý múmkindigi bar 18 gektardan astam keń aýmaq. 3200 sharshy metrlik vıllada 19 jatyn bólme, 13 vana bólmesi, baseın jáne saýna bar.
