Tiri bolsam, qazaqqa qyzmet etpeı qoımaımyn!

Álıhan Bókeıhan

Kárim Másimovty tutqynda ustaý merzimi aıaqtaldy

10 naýryz 2022 105

Alaıda UQK eks-tóraǵasynyń aǵymdaǵy prosesýaldyq mártebesi belgisiz. Eger sot bolmasa, Másimovti bostandyqqa shyǵarý kerek, – dep jazady UQK-niń burynǵy tóraǵasyn qoldaýǵa qurylǵan karimmassimov.com toby.

«Osy ýaqytqa deıin Másimov UQK tergeý ızolátorynda bolǵany belgili. Onyń quqyqtyq mártebesi týraly aqparat joq. Qamaýǵa alýdy uzartý týraly sot boldy ma, álde mundaı sot bolǵan joq pa qoǵamǵa habarlanbaǵan. Barlyq aqparat qupıa saqtalyp tur» delingen habarlamada.

Másimovke qandaı aıyp taǵyldy?

Másimovke memleketke opasyzdyq jasady, bılikti kúshtep basyp alýǵa árekettendi jáne qyzmettik ókilettigin asyra paıdalandy degen aıyp taǵyldy. Qylmystyq is áli tergelip jatyr.

Ulttyq qaýipsizdik komıtetiniń burynǵy tóraǵasy Kárim Másimov Qylmystyq kodekstiń 175-baby 1-bóligi boıynsha «memleketke opasyzdyq jasady» degen kúdikpen qańtar aıynyń basynda ustalǵan bolatyn.

Másimovtyń qandaı dúnıeleri tárkilendi?

UQK tergeý barysynda Kárim Másimovtiń áreketinde kóptegen sybaılas jemqorlyq belgileri anyqtalǵanyn aıtty.

«Otandyq bıznes ókilderinen jáne sheteldik qurylymdardan jyljymaıtyn múlikti, qymbat syılyqtardy, onyń ishinde mádenı qundylyqtardy, qomaqty qarajatty zańsyz alý faktileri qujattalǵan. Atap aıtqanda, Másimovtiń para alý faktisi boıynsha tergeý júrgizilýde. Ol UQK tóraǵasy retinde shet memleket ókilderinen 2 mln dollar para alǵan. Jabyq kelisim-sharty boıynsha Gonkongtan Qazaqstan Ulttyq bankine bul qarajatty qaıtarý qamtamasyz etildi» delingen habarlamada.

Sondaı-aq Másimovtiń premer-mınıstr bolyp turǵan kezinde bıznes qurylymdarynyń birinen elordada quny 2,5 mlrd teńgege jýyq elıtalyq qonaq úı men jer telimin alǵany boıynsha da tergeý bastaldy, dep tolyqtyrdy komıtet.

«2022 jyldyń qańtarynda Másimov ustalǵannan keıin bul qonaq úıden 17,2 mln dollar qolma-qol aqsha tárkilendi. Sonymen qatar kóptegen qundy zattar – saǵattar, altyn quımalar, antıkvarıat jáne t. b. tárkilendi. Nur-Sultandaǵy eki lúks páteri, Almatydaǵy eki páteri men záýlim saraıy, sondaı-aq Shortandy-Býrabaı kýrorttyq aımaǵyndaǵy kól jaǵasyndaǵy 1 gektar jer ýchaskesi tárkilendi. Másimovtiń jaqyn adamdarynyń 5,1 mln dollarǵa baǵalanǵan múlki tárkilenip, olar da qamaýǵa alyndy» dep tolyqtyrdy baspasóz qyzmeti.

Másimov pen onyń aınalasyndaǵylardyń sheteldik bankterdegi esepshottaryna zańsyz alyp ketken budan da iri kólemdegi qarajatty izdeý, buǵattaý jáne Qazaqstanǵa qaıtarý jumystary uıymdastyrylyp jatqany habarlandy.

Osy faktilerdiń barlyǵy boıynsha belsendi tergeý jáne jedel-izdestirý sharalary júrgizilip jatyr.



Derekkóz
Bul maqala týraly ne oılaısyz?