Tiri bolsam, qazaqqa qyzmet etpeı qoımaımyn!

Álıhan Bókeıhan

Kanıkýlde balalaryńyzǵa ınternetten qandaı qaýip bar?

02 maýsym 2024 313

Jazǵy demalys kezinde ınternettiń balalar úshin qaýpi artýy múmkin. Osy oraıda, polısıa ata-analarǵa birqatar keńes berdi, dep habarlaıdy Alash.kz.

Oń-solyn durys ajyrata almaıtyn jasóspirimderdiń kıberkeńistiktiń teris áserine ushyraý qaýpi basym. Kámeletke tolmaǵan balalar ártúrli saıtqa kirip, toptar men qaýymdastyqtarǵa tirkelip, beıtanys adamdarmen vırtýaldy baılanysqa túsedi, deıdi polisia.kz.

Balalar bóten adamnyń yqpalyna tez berilip, óziniń «jańa dosyna» bank kartasynyń nómiri, telefon nómiri, jeke kabınetter men paraqshalardyń qupıa sózderi, turǵylyqty mekenjaıy týraly aıtyp qoıýy múmkin. Sonymen qatar, kúdikti adammen vırtýaldy qarym-qatynas ómirdegi kezdesýlerge ulasý qaýpi bar.

Odan bólek, jetkinshek aqsha tabý maqsatynda zakladchık-kýrerlerdi jınaıtyn habarlandyrýlardyń quryǵyna túsip qalýy múmkin.

Tártip saqshylary ata-analarǵa balalardy qaýipten qorǵaýǵa kómektesetin negizgi erejelerdi saqtaýdy usynady:

  • Balanyń minez-qulqy men jańa qyzyǵýshylyqtaryna nazar aýdaryńyz;
  • Eger bala ınternette alǵan tapsyrmalardy ómirde oryndasa, oǵan tez arada nazar aýdaryńyz;
  • Mazmuny kámeletke tolmaǵandarǵa teris áser etýi múmkin resýrstarǵa shekteý qoıyńyz;
  • Balaǵa jeke aqparatty jarıalamaý kerektigin úıretińiz;
  • Áleýmettik jelilerde balańyzdyń qandaı toptar men qaýymdastyqtarǵa jazylǵanyn qadaǵalańyz;
  • Balaǵa bóten adammen sóılesýdiń qaýipti ekenin túsindirińiz;
  • Yqtımal qaýip anyqtalǵan jaǵdaıda dereý quqyq qorǵaýshylarǵa habarlańyz.

Sot esirtki zattaryn taratqan 8 ınternet-resýrsty japty. Internet-alaıaqtyqtyń jańa túri paıda boldy – İİM.

Bul maqala týraly ne oılaısyz?