Tiri bolsam, qazaqqa qyzmet etpeı qoımaımyn!

Álıhan Bókeıhan

"Júrgizýshini kúni-túni jumysqa jekken". Sankt-Peterbýrgte ózenge batqan avtobýs oqıǵasyna qatysy bar kúdikti ustaldy

12 mamyr 2024 287

Sankt-Peterbýrgte kópirden qulap, ózenge batqan avtobýs oqıǵasy boıynsha qylmystyq is qozǵaldy. Oqıǵaǵa qatysy bar dep shúbálanǵan azamat ustaldy, dep habarlaıdy Alash.KZ ulttyq portaly. 

Jolaýshylary bar avtobýstyń Moıka ózenine qulaýy saldarynan jolaýshylardyń qaza bolý deregi tirkeldi. Buǵan baılanysty Sankt-Peterbýrgtiń tergeý organdary qaýipsizdik talaptaryna saı kelmeıtin qyzmet kórsetý faktisi boıynsha tergeý júrgizip jatyr:

"Kúdikti esebinde jolaýshylardy tasymaldaýdy uıymdastyrǵan "Taksı" JSHQ avtokolonnasynyń bastyǵy ustaldy. Laýazymdyq nusqaýlyqqa sáıkes atalǵan adamǵa Eńbek jáne kólik tártibiniń, onyń ishinde "Taksı"JSHQ-da eńbek qyzmetin júzege asyratyn júrgizýshilerdiń eńbek jáne demalys rejıminiń saqtalýyn baqylaý mindetteri júkteldi. Tergeý málimetteri boıynsha, ózenge qulaǵan avtobýstyń júrgizýshisi birneshe kún boıy qajetti demalys ýaqytymen qamtamasyz etilmegen", - dep habarlady quzyrly mekeme ókilderi.

Esterińizde bolsa, biz Qazaqstannyń týmasy Erhan Ahanovtyń Sankt-Peterbýrg qalasynda kópirden qulap, sýǵa batyp ketken avtobýs jolaýshylaryna kómek kórsetkenin jazǵanbyz. Qazirgi ýaqytta ustalǵan adamǵa qatysty tergeý jumystary júrip jatyr. 

Eske sala keteıik,  10 mamyr kúni Sankt-Petetrbýrgte avtobýs kópirden qulap,saldarynan jeti adam kóz jumdy. Júrgizýshi rólge ıe bola almaı, avtobýs qala ortalyǵyndaǵy ózenge qulaǵan. Tergeý komıteti júrgizýshi avtobýstan alǵashqylardyń biri bolyp shyqqanyn habarlady. Ol keıinnen ustaldy. 

 

Bul maqala týraly ne oılaısyz?