«Dara» prezıdenttik bastamalar qory «Karga Seven Pictures» kınostýdıasymen birlese Shyńǵys hannyń úlken uly Joshy hannyń ómirine arnalǵan alty serıadan turatyn aǵylshyn tilindegi gıbrıdti derekti-dramalyq telehıkaıa túsirýdi bastady.
Bul týraly Alash.kz saıty «Dara» Prezıdenttik bastamalar qorynyń baspasóz qyzmetine silteme jasap habarlady.
Týyndy Altyn Orda ımperıasynyń damý kezeńderi Joshy hannyń ómiriniń tarıhy negizinde túsiriledi.
Telehıkaıanyń prodúseri kreatıvti dırektory Emre Shahın jetekshilik etetin «Karga Seven Pictures» kompanıasy. Túsirilim 2024 jyldyń kúzinde Qazaqstan men Túrkıada bastalady dep jazdy DALA INSIDE.
Karga Seven Pictures Netflix úshin 90-nan astam elde úzdik 10-telehıkaıaǵa aınalǵan Rise of Empires: Ottoman jáne Testament: The Story of Moses hıkaıalary sıaqty iri tarıhı derekti dramalardy túsirdi.
«Joshy hannyń ómir tarıhy keremet epıkalyq, ol dúnıe júzindegi kórermenderdi qyzyqtyrary sózsiz. Osy aýqymdy tarıhı jobany júzege asyrýda «Dara» qorymen birlesip, jumys jasaý biz úshin úlken mártebe», – dep atap ótti Karga Seven Pictures kreatıvti dırektor Emre Shahın.
2024 jyly Joshy Ulysynyń qurylǵanyna 800 jyl tolady. Osy ataýly kúnge arnalǵan tarıhı derekti joba memlekettigimizdiń san ǵasyrlyq tamyryn kórsetedi.
Jappaı aýdıtorıaǵa arnalǵan derekti-drama ulttyq tarıhty keńinen nasıhattaýǵa, qazaq halqynyń uly tarıhyn tanýǵa, halyqaralyq aýdıtorıanyń Qazaqstanǵa degen qyzyǵýshylyǵyn arttyrýǵa septigin tıgizedi.
