Tiri bolsam, qazaqqa qyzmet etpeı qoımaımyn!

Álıhan Bókeıhan

«Jylda bir qushaq gúlimen kelip quttyqtaıtyn edi». Núkenovanyń anasy týǵan kúninde jansyzdatar jazba qaldyrdy

29 mamyr 2024 1013
Jarynyń qolynan qaza tapqan Saltanat Núkenovanyń anasy Jumagúl Núkenova týǵan kúnin atap ótti. Onyń jansyzdatar jazbasyndaǵy qyzyna degen saǵynysh kóptegen oqyrmannyń janyna batty, dep jazdy Alash.KZ ulttyq portaly. 

Marqum Saltanat Núkenovanyń anasy Jumagúl Núkenova áleýmettik jelidegi jeke paraqshasynda týǵan kúnine baılanysty jazsyzdatar jazba qaldyrdy.

Ol qyzy tiri kezinde, byltyr da, týǵan kúnimen quttyqtaı almaǵanyn, al, bıylǵy týǵan kúninde bul ómirde joq ekenin eske alyp, kóz jasyn kól qyldy.

«Jylda qyzym bir qushaq gúlimen kelip, týǵan kúnimmen quttyqtaıtyn. Jyl saıyn Astanadan ulym men qyzym jetip kelip, tosyn syı jasaıtyn edi. Byltyr olaı bolmady, bıyl da olaı emes, endi eshqashan olaı bolmaıdy», - dep jazdy anasy.

Degenmen, jelide Jumagúl Núkenovany qoldaý aksıasy ótip, Saltanatty tanyǵan adamdar onyń mekenjaıyna gúl jiberip, jyly tilekterin arnaǵanyn da tilge tıek etti.

«Sizderdiń meıirimderińizdiń arqasynda Saltanatymnyń jylýyn sezingendeı boldym, kóp raqmet», - dep jazdy ol.

Esterińizge sala keteıik, Saltanat Núkenova 2023 jyldyń 9 qarashasy kúni eks-mınıstr Qýandyq Bıshimbaevtyń qolynan qaza tapty. Sot Bıshimbaevty 24 jylǵa sottady. Qazirgi ýaqytta Bıshimbaevtyń qorshaýshylary qaıtara shaǵym túsirýge qamdanyp jatyr. 

Bul maqala týraly ne oılaısyz?