Tiri bolsam, qazaqqa qyzmet etpeı qoımaımyn!

Álıhan Bókeıhan

«Jigittiń 30 jasynda eshqandaı jetistikke jetpeýi – uıat». Roza koýchtyń qyzdarǵa aıtqan kezekti keńesi qyzý talqyǵa tústi

08 mamyr 2024 605

Koých, bloger, psıholog Roza Áshirbaeva áleýmettik jelide pikir bildirip, oqyrmandardyń suraǵyna jaýap berdi. Ol er-azamattyń otyz jasqa tolsa da, qandaı da bir jetistikke jetpeýin uıatqa balap,synady, dep habardaıdy Alash.KZ ulttyq portaly. 

Koých, psıholog Roza Áshirbaevadan jeli qoldanýshylarynyń biri 30 jastaǵy jigittiń avtobýspen júrýine qatysty pikirin suraǵan. Ol bylaı dep jaýap berdi: 

«Jasy 30-ǵa tolǵan er-azamat úı alý úshin, bızneske aqsha jınap, avtobýspen júrse túsinýge bolady. Al eger aqshasyn ońdy-soldy shashyp, túk bitirmeı avtobýspen júrse onda másele bolady. Keıbir jigitter bar sondaı. Úsh kúnnen keıin aılyǵyn jaratyp, ishi-jep qurtyp tastaıdy. Bári birdeı emes. 30 nemese 35 jasqa jetkende bıznes ashý úshin tirnektep aqsha jınap, úı alý úshin depozıtke quıyp jatsa ondaı jigitterge “Jaraısyń!” dep qana aıtamyz. 30 jasynda eshqandaı jetistikke jetpeý, aýyz toltyryp aıtatyn zaty bolmaıtyn er azamat bolý – uıat!

Sonymen qatar, jelide tanymal psıholog qyzdardyń emes, qazir jigitterdiń qoly bos, oısyz ekenin aıtyp, aıyptady: 

Qyzdarǵa qaraǵanda jigitterdiń qoly bos. Stýdent kezderinde túk oılamaı júredi. Sosyn kózdi ashyp-jumǵansha 30 jasqa tolǵanyn sezbeı qalady. Maqsaty aıqyn bolýy kerek», – deıdi koých.

Mundaı pikirge qatysty kópshiliktiń kózqarasy san qıly ekeni baıqalady. Jeli qoldanýshylardyń pikiri ekige jaryldy. Biri psıhologty synasa, ekinshi top aıtqanymen kelisken. 

Bul maqala týraly ne oılaısyz?