Tiri bolsam, qazaqqa qyzmet etpeı qoımaımyn!

Álıhan Bókeıhan

Jetisý oblysy din isteri basqarmasy jáne «Ihsan» ortalyǵynyń birlesip shyǵarǵan kitaptary tanystyryldy

13 maýsym 2024 238

    Jetisý oblysynyń S.Seıfýllın atyndaǵy ortalyq kitaphanasynda «Islam ǵylymhaly», «Taǵdyr kitaby» atty din salasynyń irgeli eki kitabynyń tusaýkeseri ótti. Týyndylar Jetisý oblysynyń din isteri basqarmasy men «Ihsan» ǵylym jáne mádenıet ortalyǵy» qoǵamdyq qorynyń birlesken shyǵarmashylyq týyndysy, dep habarlaıdy Alash.KZ ulttyq portaly. 

«Ihsan» ortalyǵy teris dinı aǵym ıdeologıasyna qarsynasıhat maqsatynda tanymdyq, dinı saýattylyqty arttyratyn ádebıetter, medıa keńistikte jáne halyq arasynda aqparattyq-túsindirý jumystaryn júrgizýmen aınalysatyn birden bir mekeme bolyp tabylady.   

«Ihsan» ortalyǵynyń dırektory, respýblıkalyq aqparattyq-túsindirý tobynyń múshesi Tımýr Núsiphannyń aıtýynsha oqyrman nazaryna usynylatyn túrik ǵalymy Muhammed Ihsan Oǵyzdyń «Islam ǵylymhaly» eńbegindegi ıslam dininiń ıman, tazalyq jáne namaz, oraza, zeket, qajylyq pen qurbandyqqa qatysty máseleleri jáne «Taǵdyr kitaby» eńbegindegi musylmandardyń taǵdyr máselesine qatysty jetispeıtin málimetteri tolyǵyp, qate túsinikter joıylýyna septigin tıgizedi. Bul kitaptar  qazaq tilinde jaryq kórip jatqan tuńǵysh eńbek bolǵandyǵymen erekshe qundy.

Shara Jetisý oblysynyń din isteri basqarmasynyń uıymdastyrýymen ótti.   

           Sharaǵa Oblystyq ardagerler keńesiniń tóraǵasy Ermek Ábilmájinuly Kelemseıit, «Ihsan» - ǵylym jáne mádenıet ortalyǵynyń dırektory Rınat Seıitqalıuly, aqyn, Qazaqstan Jazýshylar odaǵynyń múshesi, halyqaralyq «Alash» ádebı syılyǵynyń ıegeri Ámire Árin, oblystyq aqparattyq-túsindirý tobynyń múshesi, din salasynyń ardageri, mádenıet qaıratkeri, Taldyqorǵan qalasynyń qurmetti azamaty Rahmet Razbekuly Esdaýletov, aqyn, ardager jýrnalıs Núsipbaı Dodabaıuly Ábdirahym, oblystyq «Jetisy» gazetiniń bas redaktory, aqyn Jumataı Ospanuly Ámireev,  «Jetisy» gazeti bas redaktorynyń orynbasary Mádı Aljanbaı, «Egemen Qazaqstan» gazetiniń Jetisý oblysyndaǵy tilshisi Muhtar Kúmisbek,  QMDB Jetisý oblysy boıynsha ókildigi dinı qyzmetkerleri, Basqarma jáne basqarmaǵa qarasty ortalyq qyzmetkerleri, BAQ ókilderi qatysty.

Bul maqala týraly ne oılaısyz?