Tiri bolsam, qazaqqa qyzmet etpeı qoımaımyn!

Álıhan Bókeıhan

Jerimizdi eshkimge bermeımiz: Armenıa halqy Pashınánnyń otstavkasyn talap etti

10 mamyr 2024 634

Armenıa astanasy Erevanda premer-mınıstr Nıkol Pashınánnyń otstavkaǵa ketýin talap etetin myńdaǵan adam mıtıńke shyqty, dep habarlaıdy Alash.kz.

9 mamyr kúni keshke 20 myńnan astam adam qala ortalyǵyna jınaldy. Jınalǵan halyq Nıkol Pashınánnyń otstavkaǵa ketýin talap etti.

Narazylyq aksıasyna Armán apostoldyq shirkeýiniń Tavýsh eparhıasynyń basshysy arhıepıskop Bagrat Galstanán basqarǵan «Otan úshin Tavýsh» qozǵalysynyń jaqtaýshylary shyqqan. Mıtıń barysynda narazylyq bildirýshiler «bılikke baǵynbaıtynyn» jáne Pashınánǵa premer-mınıstr qyzmetinen ketýge ýaqyt bergenin aıtty. Ázirge Pashınán kezdesý jáne otstavkaǵa ketý týraly talaptarǵa jaýap bermedi. Osydan keıin arhıepıskop Ulttyq Assambleıada ımpıchment jarıalaý arqyly premer-mınıstrdiń otstavkaǵa ketýin talap etpek.

«Sherýge shyqqandar alańda qalý týraly sheshim qabyldady. Biz naqty áreket jasaımyz. Nátıjege qol jetkizemiz. Tek bárimiz jumylýymyz kerek», – dedi arhıepıskop narazylyq aksıasyna qatysýshylarǵa.

 

Bul maqala týraly ne oılaısyz?