Tiri bolsam, qazaqqa qyzmet etpeı qoımaımyn!

Álıhan Bókeıhan

"Jat aǵym ókilderi". Meshitte ortaq namazdy eki túrli oqyǵan azamattar taǵy jaǵa jyrtysyp, aıǵaılasty

18 mamyr 2024 1109

Meshitke jınalǵan jamaǵat arasynda taǵy da daý týyndap, er azamattar tóbelese jazdady. Jelide jaıylǵan vıdeoda oqıǵanyń qaı meshitte bolǵany aıtylmaǵan. Biraq,ózara shekiskenderdiń jaǵdaıy anyq baıandalǵan, dep habardaıdy Alash.KZ ulttyq portaly. 

Namazǵa jınalǵan jurttyń bir bóligi jappaı sájdege jatqan. Al, birneshe er adam namazdy taltaıyp turyp oqyp, sájdege ıilmegen kórinedi. Muny baıqaǵanda ózderin Ábý Hanıfa máshabynda ekenderin aıtyp, namazdy erejege baǵyndaı oqyǵan er adamdardy "jat aǵym ókilderi" dep aıyptap, vıdeoǵa túsirgen.

Buǵan qatysty Májilis depýtaty, saıasatker Murat Ábenov pikir bildirip, shuǵyl shara qabyldaýǵa shaqyrdy: 

Dinı búlikshilerdiń artynda kim tur? Sońǵy kúnderi teris aǵym toptasqan búlikshileri meshitterge arańdatý maqsatymen júıeli túrde daý damaı qaqtyǵystar uıymdastyryp jatyr. Zańdy túrde shara qabyldamasa erteń kesh bolady, - dedi Murat Ábenov.  
 
Esterińizge sala keteıik, 2024 jyldyń 12 mamyry, keshki aqsham namazy ýaqytynda Shymkent qalasyndaǵy meshitte dinı senim ókilderi jaǵa jyrtysty. Ózge óńirden Shymkent qalasyna kelgen bir top azamat meshit ımamynyń eskertýine qaramastan birneshe ret jamaǵat namazyn buzǵany habarlandy. Ózge mázhabta namaz oqyǵan olar jamaǵat pen ımamnyń ótinishine qulaq aspaı, meshit erejesin óreskel buzyp, daý shyǵarǵan.
 
 
Bul maqala týraly ne oılaısyz?