Tiri bolsam, qazaqqa qyzmet etpeı qoımaımyn!

Álıhan Bókeıhan

Jastar "Abaı, Qabanbaı, Aqan, Qanysh kim?" degen saýalǵa "Ákim, mınıstr, sportshy" degen jaýap berdi

28 naýryz 2024 428

Senator Sáken Arýbaev Senat otyrysynda ulyttyq qundylyqtar máselesin kóterdi.

Depýtattyń pikirinshe, qazir qazaqstandyqtar táýelsiz Qazaqstannyń qalyptasýy men odan ári damýyna eleýli úles qosqan batyrlar men tulǵalardyń ómir tarıhynan beıhabar bolyp shyqqan.

"Ata-babadan qalǵan, mura men mıras bolǵan ulttyq qundylyqtarymyz qashan da bilimmen, namyspen, tanymmen, tárbıemen urpaqqa daryǵan. Ókinishke qaraı, qoǵamdyq sanaǵa tirek bolar osyndaı qasterli qasıetter batystyń ba, joq álde basqanyń ba jetegine erip, ulttyq bolmysty álsiretý ashyq kóriniske ıe bolyp bara jatqandaı.

Kerek deseńiz qazaqtyń qara dombyrasyn haram degen ǵaıbat sózdi de estidik. Ókinishtisi, búgingi urpaq ulttyq tarıhymyzdyń dińgegine aınalǵan, batyrlar men arystarynyń esimderin maqtanyshpen aıtýdan, ómir joldaryn bilýden tys qalǵandaı. Jastar "Abaı kim?", "Qabanbaı kim?", "Aqan kim?", "Qanysh kim?" degen saýaldarǵa "ákim, mınıstr, ataqty sportshy" degen ózek órter jaýaptar berdi", - dedi senator.

Bul maqala týraly ne oılaısyz?