Tiri bolsam, qazaqqa qyzmet etpeı qoımaımyn!

Álıhan Bókeıhan

Jambyl oblysy «Taza Qazaqstan» ekologıalyq aksıasyn qoldady

10 sáýir 2024 264

«Taza Qazaqstan» aýqymdy aksıasy Jambyl oblysynda «Taza aýla. Taza ólke. Taza el!» bastamasy aıasynda ótedi.

Elimizde 8 sáýirden bastap «Taza Qazaqstan» aýqymdy aksıasy bastaldy. Jambyl oblysynyń turǵyndary da bul bastamany belsendi qoldaýda. Aksıa aıasynda Taraz qalasy men óńirdiń barlyq aýdanynda 5 apta boıy ekologıalyq is-sharalar ótkizý josparlanýda. Olardyń árqaısysy belgili bir taqyrypqa baǵyttalǵan.

«Taza ólke». Birinshi aptada eldi mekenderdiń turǵyndary, qoǵam qaıratkerleri, uıymdardyń qyzmetkerleri óz aýmaǵyndaǵy aýlalardy tazalaıdy.

«Kıeli meken». Ekinshi apta tarıhı-mádenı eskertkishterdiń aýmaǵyn abattandyrýǵa arnalady.

«Jasyl aımaq». Úshinshi aptada kóshet otyrǵyzý, aǵashtardy ákteý jumystary júrgiziledi.

«Ónegeli urpaq». Aksıanyń tórtinshi aptasynda ardagerlerdiń aýlalary men qarttar úıiniń aýmaǵyn tazalaý, abattandyrý kózdeledi.

«Móldir bulaq». Aksıanyń qorytyndy, besinshi aptasynda ózender men kólder qoqystan tazartylady.

Sondaı-aq ekologıalyq naýqan aıasynda Taraz qalasyndaǵy Y. Dúkenuly atyndaǵy Mádenıet úıiniń aýmaǵynda aǵash otyrǵyzý aksıasy ótedi. Oblys ortalyǵynda jáne Jýaly aýdanynda «Taza aýla, taza kóshe» baıqaýy ótedi.

Shý turǵyndary senbilikti Temirjolshylar saıabaǵynda ótkizedi. Sarysý aýdanynda belsendi azamattar senbilikke ortalyq alańda jáne Komsomol kóliniń jaǵasynda jınalady.

Shara barysynda óńirdegi aryqtar men kanaldardy tazalaý, abattandyrýǵa basa nazar aýdarylady.

«Taza Qazaqstan» aksıasyna «Jas ulan» jáne «Jasyl el» jasaqtary da belsene atsalyspaq.

Bul maqala týraly ne oılaısyz?