Tiri bolsam, qazaqqa qyzmet etpeı qoımaımyn!

Álıhan Bókeıhan

Jalǵan sportshylar sporttyq ataqtarynan aıyryldy

04 maýsym 2024 3272

Áleýmettik jelilerdi monıtorıńileý barysynda qazaqstandyq aralas jekpe-jek sportshysy A.Áshimovtiń jalǵan sportshylarǵa "QR eńbek sińirgen jattyqtyrýshysy" jáne "QR halyqaralyq dárejedegi sport sheberi" sporttyq ataqtaryn negizsiz berý týraly beıne aqparaty zerdelendi, dep habarlaıdy Alash.kz saıty inbusiness.kz caıtyna siltep.

Sybaılas jemqorlyqqa qarsy qyzmet atalǵan jarıalanymǵa ýaqytyly den qoıyp, sotqa deıingi tergeýdi tirkedi.

Agenttiktiń usynysy boıynsha jalǵan sportshylar sporttyq ataqtarynan aıyryldy.

Jemqorlyq táýekelderin syrtqy taldaý qorytyndysy boıynsha Agenttik Týrızm jáne sport mınıstrliginiń atyna jemqorlyq táýekelderin joıý boıynsha usynystar engizdi.

Sportty teris paıdalanǵany úshin jaýapkershilik týraly halyqaralyq standarttardy ratıfıkasıalaý, joǵary jetistikter sportyn qarjylandyrýdy ortalyqtandyrý, qarjylandyrý nátıjelerin baǵalaýǵa múmkindik beretin sport, ınfraqurylym, sporttyq is-sharalar men jetistikter salasynda aınalysatyn adamdar boıynsha tolyq derekterdi qamtıtyn E-sport Ulttyq sıfrlyq platformasyn engizý usynyldy.

Bul sportshylar, ınfraqurylym, jarystar men jetistikter týraly biryńǵaı derekter qoımasyn qurýdy kózdeıdi jáne sport salasyndaǵy jemqorlyq táýekelderin boldyrmaýǵa múmkindik beredi.

Tergeý jalǵasýda.

Qylmystyq-prosestik kodeksiniń 201-babyna sáıkes ózge aqparat jarıa etýge jatpaıdy.

Konstıtýsıanyń 77-baby 3-tarmaǵynyń 1-tarmaqshasyna jáne Qylmystyq-prosestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.

Bul maqala týraly ne oılaısyz?