Tiri bolsam, qazaqqa qyzmet etpeı qoımaımyn!

Álıhan Bókeıhan

Jalǵan aqparatty taratqandar, qajetsiz dúrbeleń týdyrǵandar óz áreketteri úshin naqty aqy tóleıtin bolady - Q.Bozymbaev

12 sáýir 2024 327

Qanat Bozymbaev sý tasqyny kezinde dúrbeleń týdyratyn jalǵan aqparat taratqandar qylmystyq jaýapkershilikke tartylatynyn eske saldy.

Áleýmettik jelilerde kóptegen jalǵan aqparattar taratylyp, tabıǵı apatpen kúresip jatqan adamdardyń jumysyn qıyndatyp jatyr.

Vıse-premer, Sý tasqynyna qarsy is-sharalardy úılestirý jáne sý tasqynynyń saldaryn joıý jónindegi respýblıkalyq shtab meńgerýshisiniń orynbasary Qanat Bozymbaev atap ótkendeı, mundaı jalǵan aqparattar qoǵamda, ásirese zardap shekken óńirlerde jıi dúrbeleń týdyrady.

«Osyndaı jalǵan habarlamalardyń nemese Tótenshe jaǵdaımen kúres jónindegi shtabtardyń jalǵan akkaýnttarynyń barlyq avtorlaryna bul aqparatty jarıalaýdaǵy jaýapkershilik týraly eskertkim keledi. "Onlaın platformalar jáne onlaın jarnama týraly" zań bar, oǵan sáıkes paıdalanýshylar ornalastyrylǵan jáne taratylatyn mazmunnyń durystyǵyn tekserýge, jalǵan aqparatty taratpaýǵa, sondaı-aq mundaı aqparatty jáne kez kelgen zańsyz mazmundy joıýǵa mindetti. Tıisti qurylymdar mundaı jalǵan aqparatqa taldaý júrgizedi, qajetsiz dúrbeleń týdyryp, otandastaryn aldaǵan kez kelgen azamat, óz áreketteri úshin naqty aqy tóleıtin bolady», — dep atap ótti Qanat Bozymbaev.

Mundaı faktiler úshin qoldanystaǵy zańnamada qylmystyq jáne ákimshilik jaýapkershilik qarastyrylǵan.

Bul maqala týraly ne oılaısyz?