Tiri bolsam, qazaqqa qyzmet etpeı qoımaımyn!

Álıhan Bókeıhan

Ystanbulda kenetten alyp ǵımarat opyrylyp, turǵyndardy basyp qaldy

02 maýsym 2024 2086
2024 jyl, 2 maýsymynda Ystambuldyń Kartaltepe aýdanynda tórtqabatty ǵımarat opyrylyp, úıindi astynda adamdar qalyp qoıdy. Jeti adam qutqaryldy, taǵy ekeýiniń áli tabylmaı jatqany aıtyldy, dep habarlaıdy Alash.KZ ulttyq portaly. 

Ystambuldyń Kartaltepe aýdanyndaǵy Beledıe kóshesinde ornalasqan tórtqabatty ǵımarat jergilikti ýaqyt boıynsha saǵat 08:45 shamasynda (Astana boıynsha 10:54) qulady, dep habarlady NTV túrik telearnasy. Ǵımarattyń qıraý sebebi belgisiz.

Ǵımarattyń qıraý sáti syrtqy baqylaý beınekameralaryna túsip qalǵan. 

Ystambul qalasynyń ákimi Davýt Gúl 1988 jyly salynǵan ǵımarattyń qırap, úıindi astynan jeti adamnyń alynǵanyn, áli eki adam tabylmaı jatqanyn málimdedi.

"Oqıǵa ornyna shuǵyl jetken brıgadalar úıindilerdi arshý jumystaryn jalǵastyrýda. Apat bolǵan jerge jyldam jetý úshin kóshelerde qaýipsizdik jolaqtary quryldy. Polısıa da aımaqtaǵy qaýipsizdik sharalaryn qabyldady", delingen telearna sújetinde.
Ǵımarattyń opyrylý sebebi belgisiz. 
Bul maqala týraly ne oılaısyz?