Tiri bolsam, qazaqqa qyzmet etpeı qoımaımyn!

Álıhan Bókeıhan

Germanıaǵa ketken nemister Qazaqstandy saǵynyp jármeńke ótkizdi

20 mamyr 2024 345

«Biz Qazaqstanda týdyq» - Germanıadaǵy jármeńkede Qazaqstanda týǵan nemisterdiń patrıottyq ánderi shyrqaldy. Vıdeo áleýmettik jelilerde tez tanymal boldy.

«Qazaqstannan kelgen nemis baýyrlarymyzǵa rahmet!», «Nemis qandastarymyzdyń óz Otanyna degen qurmeti sheksiz, rahmet!», «Nemister uly halyq, óıtkeni olar eske alǵan saıyn jaqsylyǵyn umytpaıdy. Bul tek uly adamdarǵa ǵana tán nárse», «Bul el bizdiń dostyǵymyzdy umytpaıdy», - dep jazdy vıdeonyń astyna qazaq halqy.

Jármeńke TMD elderinen Germanıaǵa qonys aýdarǵan nemisterdiń mádenıeti men dástúrin nasıhattaıtyn joba retinde uıymdastyrylǵan.

Atalǵan joba ótkizilgen 20 jyl ishinde is-sharanyń aýqymy keńeıdi. Jármeńkege jyl saıyn 20 myńnan astam adam qatysady. Germanıadaǵy nemisterdiń qazaq halqyna degen sheksiz mahabbaty týraly buǵan deıin de talaı materıal jarıalanǵan bolatyn. Qazaqstanda týyp, nemis jerinde qaıtys bolǵan keıýanany sońǵy saparǵa balalary qazaq ánimen shyǵaryp salǵan.   

Bul maqala týraly ne oılaısyz?