Tiri bolsam, qazaqqa qyzmet etpeı qoımaımyn!

Álıhan Bókeıhan

Fransıadaǵy Olımpıada oıyndarynda terrakt jasamaqshy boldy degen sekemmen reseılik ustaldy

01 maýsym 2024 331
Fransıa memleketiniń qaýipsizdik qyzmeti jazǵy Olımpıada oıyndary kezindegi fýtbol machynyń shyrqyn buzyp, terrakt jasamaqshy boldy degen kúdikpen 18 jastaǵy sheshen jigitin qamaýǵa aldy, dep habarlaıdy Alash.KZ ulttyq portaly. 

DGSI ishki barlaý qyzmeti terrakt jasaıdy degen kúdikke ilingen reseılik azamatty Fransıanyń ońtústik-shyǵysyndaǵy Sent-Eten qalasynda tutqyndady. Bul jaıly memlekettik qaýipsizdik qyzmeti habarlady. Fransıa jaǵy bul oqıǵaǵa túsinik berip,muny  "Olımpıadaǵa qarsy shabýyldyń alǵash ret aldyn aldyq" dep atady.

Halyqaralyq BAQ Fransıanyń Parıj oıyndaryna joǵary dárejede daıyndalyp jatqanyn, atap aıtqanda, shabýyldarǵa qarsy kúresýge bel sheship, bilek sybana kiriskenin jazady. Sebebi sport oıyndaryna, shamamen, 10 mıllıon kórermen men 10 000 sportshy keledi dep kútiledi. 

Sporttyq dodalar, negizinen, el astanasy Parıjde ótedi dep josparlanǵan. Dese de, Fransıanyń basqa qalalarynda keıbir sporttyq jáne jeke oıyndardy da ótkizý qarastyrylǵan.

Mınıstrlik Guardian gazetine bergen túsiniktemesinde qamaýǵa alynǵan adamǵa "Joffrýa-Gıshar" fýtbol machy kezinde shabýyl jasaýǵa belsendi daıyndalǵan dep kúdik keltiriletinin aıtty. Ol kórermenderge shabýyl jasap, sodan soń "sheıit bolyp ólýdi" kózdegen kórinedi. 

Bul maqala týraly ne oılaısyz?