Qazaqstandaǵy ataǵy jer jarǵan Forte Bank kompanıasynyń basy daýǵa qaldy. Olar áleýmettik jelidegi paraqshalaryna qyzmetkerler izdep jatqanyn jazdy. Habarlandyrýda "qyzmetkerge qazaq tilin bilý mańyzdy emes" degen sóz boldy. Osyny kórgen barlyq qazaqstandyq shý kóterdi. Belgili ustaz, «QAZBILIM» ulttyq lıseıleriniń quryltaıshysy, basqarma tóraǵasy Aıatjan Ahmetjanuly da pikir bildirdi.
"Qazaq tilin júıeli ispen qorǵamasaq, forte bank sekildiler ulttyń tilin máńgi mazaq ete beredi!
QAZBILIM ulttyq lıseıleri 8 qalada 420 dan astam qyzmetker búginge deıin jalaqysyn ForteBank ten alyp kelgen edi.
Forte bank ulttyń tilin qajet etpese, onda QAZBILIM Ulttyq lıseıleri qyzmetkerleri de Forte banktiń kartasyn qajet etpeıdi. Qoldanbaıdy. Budan bylaı jalaqyny basqa bankten alatyn bolamyz!
Bul QAZBILIM GROUP kompanıasy basqarmasynyń resmı sheshimi. Biz tolyq qandy forte bank qyzmetinen bas tartyp, ustazdarymyz ben qyzmetkerlerimizdiń jalaqysyn resmı túrde basqa bankke aýystyramyz!
Forte bankke baıkot!
Qazaq tilin qajet etpeıtin bankti qazaq eli de qejet etpeýi qajet. Buny sózben emes, ispen, naqty sheshimmen kórsetemiz!
Biz myńdaǵan mektepter Forte bankten bas tartsa, on myńdaǵan qoldanýshysynan aıyrylar edi. Sonda ǵana bundaı astamsyǵandar esin jıady!
Al, biz bas tarttyq!
Sizderdiń de bas tartqandaryń jón kompanıalar, mektepter, emhanalar, kúlli memlekettik organdar!
Kijinip otyrmaı, naqty jaýap bereıik!,-dedi ustaz.