Tiri bolsam, qazaqqa qyzmet etpeı qoımaımyn!

Álıhan Bókeıhan

"Fazendada 5 jyl quldyqta ustady". Jýrnalıs quldyq qamytyn kıgen áıeldiń jumbaq taǵdyry jaıly baıandady

25 mamyr 2024 1147

"Daý-damaısyz" baǵdarlamasynyń júrgizýshisi Gúlmıra Ábiqaı el estimegen sumdyqty aıtyp, qalyń oqyrmanyna quldyqqa túsken jannyń taǵdyry jaıly baıandady, dep habarlaıdy Alash.KZ ulttyq portaly. 

Jýrnalıs Gúlmıra Ábiqaı elge qol ushyn berip, áleýmettik jelide qoǵamdaǵy problemalar, adamdardyń qıly taǵdyryna qatysty blog júrgizedi. Bul joly jýrnalıs óz oqyrmanynan tosyn habarlama alǵanyn aıtty. Habarlamada quldyqta júrgen áıeldiń taǵdyry baıandalady: 

"Fotodaǵy áıeldiń esimi - Áıgerim. Ózi: “fazendadan quldyqtan qashyp shyqtym, 5 jyl júrdim. Jetisý oblysynanmyn, 87-shi jylǵymyn. Ákem Qaırat, Aıdana degen ápkem bar”,- degen. Tańǵy saýynnan soń saǵat 5-terde shyqqannan erteńine keshki 5-te Almaty oblysyndaǵy saıajaıdyń shetki úıine kelip toqtapty. Aıman esimdi oqyrmanym beıtanys áıeldiń sózine ári senip, ári shoshyp “polısıa shaqyraıyn” dep edi, ol selk ete túsipti. Ol: "sý berińizshi!",- degen. Úıden sý ákelip shyqqansha, quldyqtaǵy áıel iz-túzsiz joǵalǵan.
Úıde jalǵyz ózim kishkentaı balalarmen otyrǵan soń, kirgizip tamaq berýge bir shetinen qoryqtym dep aǵynan jaryldy oqyrmanym. Jóni-sózi túzý, tek ábden qajyǵan, shalbary men aıaq kıimi ábden balshyq eken.
Bálkim, meniń polısıa shaqyraıyn degenimdi estip qaıta aparyp tastaı ma dep shoshyǵan sıaqty dep qorytty sózin Aıman. Áıgerim aman-esen úıine jetti ma eken degen oı mazalaıdy",-dep jazdy.

Keıinnen jýrnalıs Jetisý jáne Almaty oblysy polısıa departamentterine júginip, kómek surady. Bul máselege beı-jaı qaramaýlaryn ótindi. Oqyrmandar jaǵy da qulıeleneýshiliktiń áli de joıylmaǵanyn, adamdy basybaıly retinde turmysqa jegýdiń qısynsyzdyǵyn aıtyp, narazylyq tanytyp jatyr. 

 

Bul maqala týraly ne oılaısyz?