Tiri bolsam, qazaqqa qyzmet etpeı qoımaımyn!

Álıhan Bókeıhan

Eýropa odaǵy Ýkraınaǵa kómekke áskerı joıǵysh ushaqtaryn beredi

28 aqpan 2022 107
[ad_1]



Eýropa odaǵy Ýkraınaǵa áskerı joıǵysh ushaqtaryn kómekke beredi. Buǵan deıin Kıev Reseıdiń jerdegi jáne ýedegi shabýylyna toıtarys berý úshin Eýropa odaǵynan kómek suraǵan.

Bul jóninde 27 aqpanda Eýropa odaǵynyń syrt saıası vedomstovosynyń basshysy Jozep Borrel habarlady. Ol Brússeldiń Ýkraınaǵa meılinshe kómektesýge daıyn ekenin atap ótken.

Borrell sózinshe, Reseı Ýkraınaǵa qoldaý kórsetken elderge ıadrolyq qarý qoldanýy múmkin ekenin anyq ańǵartqan.

"Vladımır Pýtın Ýkraına soldattaryn qarýlaryn tastaýǵa shaqyrdy jáne Ýkraınaǵa kómekteskisi keletin elderge qarata "Kimde-kim bizge kedergi jasaǵysy kelse, Reseıdiń jyldam jaýap beretinin jáne onyń buryn-sońdy tarıhta bolmaǵan zardabyn tartatynyn" aıtty. Pýtınniń jeksenbidegi sózine oraı sóılegen Borrel áńgime ıadrolyq qarý týraly ekenin, biraq ol Eýropa odaǵynyń Ýkraınaǵa kómegin toqtata almaıtynyn aıtqan.

Ýkraına Syrtqy ister mınıstri Dmıtrıı Kýleba Eýropa odaǵynyń basshylyǵynan ýkraın ushqyshtary basqaratyn áskerı joıǵysh ushaqtarǵa zár bolyp otyrǵanyn aıtqan. Osyǵan oraı «Nemis tolqyny» Ýkraına qarýly kúshterinde joıǵysh ushaqtyń sovettik Sý-27 jáne MıG-29 túrleri bar ekenin eske salǵan.

Jeksenbide Jozep Borrel Eýropa blogynyń atynan sóılegen sózinde Reseıdiń Ýkraınaǵa basyp kirýi Grýzıa, Moldova, Batys Balqan elderine da áser etýi múmkin dedi.

27 aqpanda Eýropa odaǵy elderiniń syrtqy ister mınıstrleri kezdesýinen keıin Reseıge qatań sanksıa salýǵa kóshetini habarlanǵan. Eýro komısıa basshysy Ýrsýla fon der Láıen sózinshe, Eýropa odaǵy Ýkraınaǵa qarý-jaraq pen ózge de tehnıkalyq quraldar satyp alý, jetkizýdi qarjylandyrady. Fon der Láıen Eýropa odaǵynyń mundaı qadamǵa alǵash ret baryp otyrǵanyn atap ótti.

Jeksenbi kúni Bloomberg agenttigi Eýropa odaǵy Pýtınniń aınalasynda júrgen Reseı sheneýnikteri men olıgarhtarynyń taǵy bir tobyna sanksıa salýy múmkin ekenin jarıalaǵan edi. Bloomberg málimetine qaraǵanda bul tizimge Álisher Ýsmanov, Mıhaıl Frıdman, Alekseı Mordashov, Dmıtrıı Peskov jáne Sergeı Roldýgın kirýi múmkin.



[ad_2]

Derekkóz
Bul maqala týraly ne oılaısyz?