Tiri bolsam, qazaqqa qyzmet etpeı qoımaımyn!

Álıhan Bókeıhan

Erkin NURAZHAN, sýretshi: Qańtar oqıǵasyna qatysy bar tulǵalar jaýapqa tartylýy kerek

31 mamyr 2022 68
Qazir «Qańtar oqıǵasyna» qatysty dúnıeniń bári tergep-tekserip jatyr. Saldarynan Másimovten bastap, Qaırat Satybaldyǵa deıin tutqyndaldy. Biraq el-jurt olardyń jaı emes, baı adamdar dep aıtýda. Eger solardyń «Qańtardaǵy oqıǵaǵa», sonyń ishinde búkil dúnıeni qıratýǵa tóńkeris uıymdastyrýǵa qatysy bar bolsa, dáleldense, memleketke keltirgen búkil shyǵyndy qalypqa keltirýi tıis.
Máselen, árbir eldi-mekenderdegi ortalyqtardy, ákimdikti, rezıdensıany jardy, kúl-talqan etti. Al onyń bári halyqtyń dúnıesi. Mine, sol búlingen dúnıeni jóndep qalpyna keltirý úshin de qansha qarajat kerek. Sonyń bárin memlekettik búdjetten emes, sol mıllıoner men mıllıarderlerdiń aqshasyna jóndeýi tıis. Endi olardyń jaýypty, jaýapsyzdyǵyn zańdy oryndary shesher. Meniki tek qur usynys.
Biraq sol tóńkeris jasaýǵa baryn salyp, oıran qylǵan toptyń áreketinen jazyqsyz adamdar, polısıa qyzmetkerleri, beıbit sherýge shyqqandar qanshama adam qaza boldy. Eger memlekettik tóńkeriske umtylys jasaǵandardyń qandy oırany bolmaǵanda jazyqsyz jandar qurban bolmas edi.
Árıne, Qasym Jomart Toqaev kóp dúnıeni jáımen, aqyryn-aqyryn túzep, rettep keledi. Jasap jatqan ózgeristeri de durys-aq. Tek sol áttegen-aıy 200-den astam adam qaza bolǵany. Biraq Prezıdenttiń ondaı sheshim shyǵarýyna ózderi ıtermeledi. Óıtkeni «Qańtar oqıǵasynada» Qorǵanys mınıstiri de, Ulttyq Qaýipsizdiktiń tarapynan áreket bolmaǵan soń, keıbir máseleni túbegeıli sheshim shyǵarýǵa týra keldi.
Osynyń bári – halyqtyń Mańǵystaýdaǵy narazylyǵynan bastaldy. Oǵan sebep bolǵan gazdyń qymbattaýy, jappaı jumyssyzdyq ta áser etti. Osy jaǵdaıdyń barlyǵy 30 jylda kemeline jetti. Halyqtyń máselesin kóre tura, osynyń óz esebine paıdalaný, Úkimetti basyp almaq bolýy durys bolmady. Bárine ýaqyt tóreshi. Jaýaptylar áli jazalanar.
,
Bul maqala týraly ne oılaısyz?