Tiri bolsam, qazaqqa qyzmet etpeı qoımaımyn!

Álıhan Bókeıhan

"Erkekti tóbesine kóteretin qoǵam - mesheý qoǵam". Bıshimbaev isine Baıan Alagózova pikir bildirdi

11 mamyr 2024 1236

Tanymal prodúser Baıan Alagózova men Tımýr Balymbetov otbasyndaǵy zorlyq-zombylyqtyń sebepteri men saldary týraly oı bólisti. Sonymen qatar, Bıshimbaev isiniń qoǵamǵa, qoǵamdyq sanaǵa qalaı áser etkeni jaıly talqylady, dep habarlaıdy Alash.KZ ulttyq portaly AIRAN YouTube arnasyna silteme kórsete otyryp. 

Baıan Alagózova bergen suhbatynda qazaqstandyq qoǵamnyń sanasy "tolyq jetilmegenin",patrıarhaldy tanym-túsiniktiń basym ekenin baıandap, erkekti "tóbege kóterýdi" mesheýlikke balady:

Erkek ne istese de, bıik bolý kerek deıdi. Bul bizdiń qoǵamnyń mesheýligi, saýatsyzdyǵy. Men jyldar boıy bul máselemen kúresip kelemin, -dedi Baıan Alagózova.  

Sonymen qatar, prodúser Bıshimbaevtyń qýlyqqa salmaq bolǵanyn, halyqty óz shyndyǵyna ılandyrýdy josparlaǵanyn baıqaǵanyn da aıtyp qaldy. 

Onyń aıypty bolǵany alǵashqy emes. Birinshi ret taǵylǵan aıyptan sytylyp shyǵyp ketti. Joly boldy. Joly bolǵysh adam. Meniń oıymsha, ol qoǵam taǵy da onyń sózin sóıleıdi, aıtqanyna eredi dep oılady. Ras, ondaıdar bar. Men oniki durys deıtinderdi de bilemin. Ol bárin óz shyndyǵyna nandyrýǵ tyrysady. Sottaǵy alqabılerdi de eskerýimiz kerek. Arasynda bir-eki adamnyń ózi onyń jaǵyna shyqsa, jazasy da jeńildeıdi. Eger sot jabyq bolsa, osy bylyqtyń bári yń-shyńsyz ótip keter me edi? Qazir bul isti búrkemeleý múmkin emes, - dedi Baıan Alagózova.

 

 

Bul maqala týraly ne oılaısyz?