Tiri bolsam, qazaqqa qyzmet etpeı qoımaımyn!

Álıhan Bókeıhan

Endi ımamdarǵa áleýmettik jelilerden jarysa sóıleýge tyıym salynady

05 maýsym 2024 268

Ózbekstan musylmandary basqarmasy ımamdardyń áleýmettik jelilerge shyǵyp sóıleýin shektep, kez kelgen jazbaǵa lúpil basýyna tyıym saldy, dep jazady Alash.KZ ulttyq portaly inbusiness.kz saıtyna siltep. 

Mamyr aıynyń sońynda Ózbekstandaǵy barlyq meshitterdiń ımamdary Tashkent bas ımamynyń kómekshisi Ergash Rýstamovtan aýdıo habarlama aldy. 

27 mamyrda taraǵan habarlamada "taǵy bir tapsyrma áleýmettik jelilerde sóıleýge tyıym salýǵa qatysty", "sonymen qatar ony oqyǵannan keıin áleýmettik jelilerdegi kez-kelgen postqa laık qoıýǵa tyıym salynady" delingen. 

 Bul aqparat Ózbekstan musylmandary dinı basqarmasynda rastaldy.

Ózbekstan Respýblıkasynyń Mınıstrler Kabıneti janyndaǵy Din isteri komıtetiniń derekteri boıynsha 2021 jylǵy 1 tamyzdaǵy jaǵdaı boıynsha elde 16 konfesıanyń 2285 dinı uıymy jumys isteıdi.

Olardyń 2098-i ıslamdyq uıymdar, al 188-i basqa dinı aǵymdarǵa jatady.

Ózbekstan Respýblıkasynyń Konstıtýsıasyna sáıkes din memleketten bólingen. Dinı uıymdar men konfesıalardyń qyzmeti Ózbekstan Respýblıkasynyń "Ar-ojdan bostandyǵy jáne dinı uıymdar týraly" zańymen retteledi.

Bul maqala týraly ne oılaısyz?