Tiri bolsam, qazaqqa qyzmet etpeı qoımaımyn!

Álıhan Bókeıhan

Endi Qytaı ǵaryshta saýda jasaıdy. «Chanchjen-6B» zymyran tasyǵyshy ushyryldy

08 mamyr 2024 272

Qytaı seısenbi kúni «Chanchjen-6B» (Long March-6S) modıfıkasıaly zymyran tasyǵyshyn alǵash ret ushyrdy. Ol ǵaryshqa tórt jer serigin alyp shyqty. Bul týraly WeChat áleýmettik jelisinde Qytaı aeroǵaryshtyq ǵylymı-tehnıkalyq korporasıasynyń (CASC) paraqshasynda aıtyldy, dep habarlaıdy Alash.KZ ulttyq portaly. 

Zymyran tasyǵysh seısenbi kúni Beıjiń ýaqytymen saǵat 11:21-de Qytaı soltústiginiń Shansı provınsıasyndaǵy Taıýan spýtnıktik ushyrý ortalyǵynan Neptune-01 jáne Smart-1C jerserikterin, sondaı-aq keń jolaqty optıkalyq jerserikti jáne joǵary ajyratymdylyqtaǵy beınespýtnıkti josparlanǵan orbıtaǵa alyp shyqty.

Eki satyly zymyran tasyǵyshtyń dıametri 3,35 metr, ony suıyq ottegi men kerosınmen jumys isteıtin úsh qozǵaltqysh basqarady.

Jalpy ushyp kóterilý salmaǵy 215 tonna bolatyn zymyran 500 shaqyrym bıiktiktegi geostasıonarlyq ótpeli orbıtasyna jalpy salmaǵy shamamen 2,4 tonna ǵarysh apparatyn shyǵarýǵa qabiletti.

Jańa zymyrannyń zertteýleri men ázirlenýleri 2020 jyldyń basynda bastaldy. Bul model negizinen shaǵyn jáne orta spýtnıkterdi orbıtaǵa aparatyn komersıalyq ǵarysh kásiporyndarynda qoldanylady.

Búginde elde Long March serıaly zymyrandardyń 20-dan astam túri jasalyp, ushyryldy.

Long March zymyrandary – Qytaı ǵaryshtyq baǵdarlamalarynyń negizi. Bul Long March tasymaldaýshysynyń 520-shy ushyrýy.

Bul maqala týraly ne oılaısyz?