Tiri bolsam, qazaqqa qyzmet etpeı qoımaımyn!

Álıhan Bókeıhan

"Endi naýqastardy medbıke qabyldap, ózi dıagnoz qoıady". Medısınadaǵy ózgerister habarlandy

18 mamyr 2024 553

Densaýlyq saqtaý mınıstrligi bıyldan bastap medısınada bolatyn reformalardy túsindirdi. Onyń ishinde esepte turǵan naýqastarǵa arnaıy mamanǵa barý joly jeńildetiletini, meıirbıkelerdiń pasıentterdi ózderi qabyldaıtyny, balalar men stýdentter ata-anasymen bir emhanada tirkeýde turatyny,shalǵaı aýyldarda medısınalyq vırtýaldy kabınetter ashylatyny aıtyldy, dep habarlaıdy Alash.KZ ulttyq portaly. 

Endi medbıkeler pasıentterdi ózderi qabyldaıtyn boldy. 

Emhanalardyń dárigerleri men meıirgeleriniń fýnksıonalyn qaıta bólý nátıjesinde meıirgelerge naýqastardy óz betinshe qabyldaý quqyǵy beriledi.

Orta medısınalyq personaldy kardıologıa, nefrologıa, endokrınologıa, gastroenterologıa, oftalmologıa, otorınolarıngologıa jáne hırýrgıa sıaqty birqatar baǵyttar boıynsha aýrýmen aýyratyn naýqastardy basqarýǵa múmkindik beretin baǵdarlamalar boıynsha oqytý bastaldy.

Bul dárigerlerge júktemeni neǵurlym utymdy bólýge jáne bastapqy býynnyń tıimdiligin arttyrýǵa múmkindik beredi.

Sonymen qatar, sozylmaly naýqastardy josparlanǵan qabyldaý engiziledi, onda naýqasty tekserý jáne dıagnostıkaǵa joldama berý orta medısına qyzmetkerlerine beriledi.

Bul jańalyqtar jalpy praktıka dárigeriniń júktemesin azaıtýǵa, medısınalyq kómek alý prosesin ońtaılandyrýǵa jáne ony qoljetimdi etýge múmkindik beredi.

Meıirgerler dıspanserlik naýqastarǵa keıbir tekserýlerdi ózderi júrgizedi, olarǵa reseptter men taldaýǵa joldama beredi.

Bul maqala týraly ne oılaısyz?