Májilistiń qoǵamdyq palatasynda depýtat Anas Baqqojaev elimizdegi aýyldardyń jaǵdaıy kún ótken saıyn nasharlap bara jatqanyn aıtty, dep habarlady alash.kz.
Onyń pikirinshe, aýyl sharýashylyǵyna quıylatyn ınvestısıa mólsheri mardymsyz.
Búginde aýyldyń jaǵdaıy nasharlap barady. Aýyl sharýashylyǵynyń da jaǵdaıy nashar. Statısıkalyq derekterge úńilsek, aýyl sharýashylyǵyndaǵy ortasha jalaqy – 236 myń teńge. Saladaǵy negizgi kapıtalǵa quıylǵan ınvestısıa – 981 mlrd teńge. Mysaly, kólik salasynda ortasha jalaqy – 474 myń teńge. Bul – aýyl sharýashylyǵyna qaraǵanda birneshe ese kóp. Óıtkeni salaǵa salynǵan ınvestısıanyń kólemi – 2,5 trln teńge, - dedi Anas Baqqojaev.
Osy derekter negizinde depýtat Ulttyq statısıka búrosynyń basshysy Maqsat Turlybaevqa saýal joldady.
Jıynda búronyń negizgi jumysy tek aqparat jınaý emes dep aıtyldy. Búginde eń tómengi jalaqy da, ınvestısıa kólemi eń azy de aýyl sharýashylyǵy salasynda. Sizder osy máseleni (joǵary jaqta) kóterip, máseleniń ózekti ekenin aıtyp jatyrsyzdar ma? Qandaı usynystar berińizder? - dedi ol.
Maqsat Turlybaev búronyń jınaǵan derekteri ashyq ekenin, olar Prezıdent ákimshiligi men Úkimet apparatyna beriletinin atap ótti. Búro basshysy barlyq jınalǵan derek Prezıdent ákimshiligine beriletinin jetkizdi.
Ulttyq statısıka búrosynyń eń basty maqsaty – málimetterdi jınaý, olardy óńdeý jáne paıdalanýshylarǵa usyný. Biz paıdalanýshylarǵa óz júıemiz arqyly jáne aqparatty taldap, bárin berip otyrmyz.
Biz Strategıalyq josparlaý jáne reformalar agenttine qaraımyz. Agenttik óziniń tıisti usynystaryn Prezıdent ákimshiligine jáne premer-mınıstrdiń apparatyna beredi», - dedi búro basshysy.
