Tiri bolsam, qazaqqa qyzmet etpeı qoımaımyn!

Álıhan Bókeıhan

Ekspoǵa ketken 940 mlrd teńgeni bógetke jumsaǵanda sý tasqyny bolmaýshy edi - Erlan Saırov

16 sáýir 2024 1421

Sý tasqyny bolsyn, Arystaǵy, Jambyldaǵy máseleler - eski júıeniń irip-shirigen korrýpsıanyń jemisi. Bul pikirdi Májilis depýtaty Erlan Saırov Abay Live YouTube arnasyna bergen suhbatynda aıtty.

"Halyqqa tıesili aqshanyń barlyǵy sol kisilerdiń qaltasyna ıa bolmasa valútalıstik jobalaryna ketken. Qazaqstan halqynyń qarjysy óz ornynda bolǵan kezde dál qazirgideı jaǵdaı elde esh bolmas edi.

Birinshi fakt: 2017 jyly Ekspony ótkizýge 2 mlrd dollar jumsadyq. Bul degenimiz 940 mlrd teńge. Osy aqshany aýyldaǵy toǵanǵa, sýdy bógeýge, platına salýǵa jumsaıtyn bolsaq, bundaı alyp deńgeıdegi másele bolmas edi. Bılik bizge “Qazaqstan jasyl ekonomıkanyń ordasy bolady" dep edi, qaıda qazir jasyl ekonomıka? Bul máseleni ári qaraı ashý kerek. Ekspo kezinde salynǵan ǵımarattar qazir kimniń qolynda? Sony bilý kerek.

Bul birinshi , ekinshi ahýal, 2008-2018 jyldar aralyǵynda jekemenshik bankterge 8,2 trln teńge berilgen. Buny men emes, Dúnıejúzilik bank baıandap otyr. Sol aqshanyń qazir tek memleketke 1,2 trln ǵana qaıtty. Qalǵan halyqtyń aqshasyna basshylar áli taırańdap júr. 8 trln teńge aýyl-aımaqqa ınfoqurylymǵa bólingen kezde bundaı qaıǵyly jaǵdaı bolar ma edi?",- dedi Erlan Saırov.

Bul maqala týraly ne oılaısyz?