Tiri bolsam, qazaqqa qyzmet etpeı qoımaımyn!

Álıhan Bókeıhan

Eksklúzıv: Meniń kinám, oǵan qatty ókinemin - Baıjanov bar shyndyqty aıtty

11 sáýir 2024 457

Qýandyq Bıshimbaevtyń sot otyrysynda ekinshi sottalýshy Baqytjan Baıjanov málimdeme jasady, dep habarlaıdy Alash.kz Dalanews.kz saıtyna silteme jasap.

Baıjanov qaıǵyly oqıǵa bolǵan kúni Saltanat Núkenovany birneshe ret kórgenin aıtyp berdi.

"Saltanattyń bir kózi isip turǵanyn kórdim. Vıp-bólmeniń ishiniń astań-kesteńi shyǵyp jatty. dárethananyń esigi qıraǵanyn kórdim. Onyń bárin kórdim. Tańerteń gastroortalyqqa kelgen kezde Bıshimbaev túni boıy shý shyǵaryp, ishimdik iship, Saltanatty kezekti ret uryp tastaǵanyn bilip keldim. Bul týraly gastroortalyqqa keler aldynda habardar boldym. Biraq ol kezde eshteńe túsinbedim. Saltanatqa qaýip tónip turǵanyn, ólim men ómirdiń ortasynda turǵanyn bilmedim. Bul aqtalý emes. Men tek shyn máninde ne bolyp jatqanyn kóre almadym. Bul meniń kinám jáne men oǵan qatty ókinemin. Eger nazar aýdaryp qarasam múlde basqa jaǵdaı bolar edi. Endi amal ne? Men ýaqytynda kómektese almasam da Saltanattyń jaqyndary meni keshire alady dep senemin", - deıdi Baıjanov.

Ol marqum Saltanat Núkenovaǵa sıpattama berdi.

"Óte meıirimdi edi. Meıramhana qyzmetkerleri Saltanat tarapynan eshqandaı dórekilik kórgen emes. Ony kez kelgen qyzmetker rastaı alady. Sol túni ne bolǵanyn aıtyp bereıin. Men 33-temin, qarapaıym otbasynan shyqqanmyn. Áıelim, úsh balam bar. Meniń kesirimnen olar da zardap shegip otyr. Olardan da, ata-anamnan da keshirim suraımyn", - deıdi Baıjanov.

Baıjanovyń aıtýynsha, ol gastroortalyqta 2022 jyldan beri dırektor qyzmetin atqarǵan.

"Shyn máninde Bıshimbaevtyń barlyq jumysyn atqaratynmyn. Onyń jeke jumystary da meniń moınymda. Bıshimbaev - ákem jaǵynan alys týysym. Menen 10 jasqa úlken. Minezi aýyr, kez kelgen kezde "jarylyp" kete salady. Kez kelgen ýaqytta habarlasa salatyn, men baılanysty júrýim kerek boldy", - deıdi Baıjanov.

Ol 8 qarasha ádettegideı jumys kúni bolǵanyn atap ótti.

"Mundaı sumdyq jaǵdaı bolatynyn, Saltanat mert bolatynyn, men túrmege túsemin dep oılaǵan joqpyn. 8 qarashada keshke jumystan úıge keldim. Otbasymmen keshki as ishtim. Sol kún týraly bar biletinimdi aıtqym keledi.

9 qarashada tańǵy 7-de áli uıyqtap jatqan kezimde maǵan bizdiń kúzetshi habarlasty. Ol Bıshimbaev pen Saltanat mas kúıde kólik aıdap ketpek bolǵanyn aıtty. Kólik bordúrge soqtyǵysqan. Men kúzetshige kóliktiń kiltin alyp alý keregin aıttym. Sebebi mundaı jaǵdaıda kólik aıdaý qaýipti dep oıladym. Sosyn 8-der shamasynda meıramhananyń ákimshisi habarlasty. Ol Bıshimbaev túni boıy shý shyǵarǵanyn aıtty. Qýandyq pen Saltanat túni boıy meıramhanada bolǵanyn, taǵy bir janjal bolǵanyn estidim. Shynymdy aıtsam, oǵan tańǵalmadym, sebebi olardyń janjaldaryna etim úırenip qalǵan. Sebebi olar jıi ursysatyn. Saltanattyń kózi kógerip júrgenin birneshe ret kórgenmin. Tipti olardyń úıine jıhaz jóndeıtin mamandardy birneshe ret jibergenmin. Onyń bári telefonymda bar", - dedi ol.

Baıjanov tergeýshilerge telefony men qupıasózin bergenin jetkizdi.

"9 qarashada tańǵy 9.30 shamasynda Bıshimbaev habarlasyp, meıramhanaǵa kelýim keregin aıtty. Ne úshin ekenin túsindirmedi. Saǵat 10 shamasynda meıramhanaǵa keldim. Ekinshi qabatqa kóterilgen kezde vıp-bólmelerdiń birinde jaryq qosylyp turdy. Esikti Bıshimbaev ashty. Men kirer kezde Bıshimbaev "kirme" dedi. Bıshimbaevtan ishimdiktiń ıisi múńkip turdy. ", - deıdi Baqytjan Baıjanov.

Ol tergeýshilerge telefony men qupıasózin bergenin aıtady.

"9 qarashada tańǵy 9.30 shamasynda Bıshimbaev habarlasyp, meıramhanaǵa kelýim keregin aıtty. Ne úshin ekenin túsindirmedi. Saǵat 10 shamasynda meıramhanaǵa keldim. Ekinshi qabatqa kóterilgen kezde vıp-bólmelerdiń birinde jaryq qosylyp turdy. Esikti Bıshimbaev ashty. Men kirer kezde Bıshimbaev "kirme" dedi. Bıshimbaevtan ishimdiktiń ıisi múńkip turdy. esik ashylǵan kezde Saltanat dıvannyń shetinde otyrǵanyn kóz qıyǵymmen baıqap qaldym. Ol qara plash kıip otyrdy. Biraq onyń ishinde kıim bolmady. Sondyqtan durys kóre almadym. Biraq Saltanattyń basy tómen qarap turǵanyn baıqadym. Sondyqtan betindegi jaraqattardy kórmedim. Odan bólek, kabınkanyń astań-kesteńi shyqqanyn baıqadym", - deıdi Baqytjan Baıjanov.

Bıshimbaev Baıjanovtan kórpeshe ákelýin suraǵan.

"Men vıpke kirmedim, kórpeshelerdi Bıshimbaevqa berdim. Esik jaqta turdym. Beınekameralarda men vıp-bólmege kirip, 4 mınýttaı turǵandaı bolyp qalǵam. Men rasynda kórpesheni berdim, biraq bólmege kirmedim. Esiktiń janynda eki mınýttaı turyp kúttim", - deıdi Baıjanov.

Baıjanov vıp-bólmege kirmegenin alǵa tartty.

"Eki mınýttan keıin Bıshimbaev meni ishke kirgizip, úıge qaıtatynyn aıtty. Sol kezde ǵana bólmege kirdim. Saltanattyń tynys alýy jıirek jáne qattyraq bolǵanyn baıqadym. Ol uıyqtap jatyr dep oıladym. Sol kezde qatty mán bermedim. Sebebi olar túni boıy uıyqtamaı, ishimdik iship, sharshap jatyr dep oıladym. Endi meniń nemquraıdy qaraýymnan ol sharshaǵandyqtan solaı tynys alyp jatyr dep oılaǵanymdy túsindim", - deıdi Baqytjan Baıjanov.

Bul maqala týraly ne oılaısyz?