Tiri bolsam, qazaqqa qyzmet etpeı qoımaımyn!

Álıhan Bókeıhan

"Eki butyńnyń arasyndaǵyǵa ıe bol". Ysyrbala "blogerler qatyn bolmaıdy" degen ımamǵa ótkir jaýap berdi

01 maýsym 2024 237

Bloger Yrysbala Ikrambaı áleýmettik jelini sharlaǵan ımam Jarqyn Myrzataıdyń “bloger qyzdar qatyn bolmaıdy, olar ınternette erkekterdiń oıyn buzady” dep aıtqan sózine qarsy pikir aıtyp, "eki butyńnyń arasyndaǵyǵa ıe bol" dep ótkir jaýap berdi, dep jazdy Alash.KZ ulttyq portaly. 

Otbasylyq ómiri men blogerlikti qatar alyp júrgen Yrysbala Ikrambaı "Esektiń de erkegi bar aınalaıyndar, ýaǵyzdaryń qatynnyń eteginen aspaı qoıdy ǵoı" degen pikir bildirdi. Ýaǵyz aıtqan adamnyń pikirin taldap, "jalań oıyna" kópke topyraq shashý dep baǵa berdi. 

...Kópke topyraq shashý degen bar. Otyryp alyp bolmaıtyn áńgimeni aıtýdy túsinbeımin. Ýaǵyz aıtqanda da, Abaı atamyz aıtqandaı «tilge jeńil, júrekke jyly» tıýi kerek. Men on myń emes, eki júz myń jazylýshysy bar bloger bolyp turmysqa shyqtym. Úsh balam bar. Bir shańyraqtyń tútinin tútetip otyrmyn. Blogerlikti de jasap, eshkimniń ala jibin attamaı, kúnimizdi kórip, jaqsy áıel bolyp ta júrmiz. On báleniń toǵyzy tilden demekshi, kópke topyraq shashý durys emes. Biz qazaq úsh júzge bólindik, qyryq rýly qazaqpyz dep qyryq rýǵa bólindik. Oramal taǵatyndar men namazhandar dep bólindik. Endi ımamdar men blogerler dep bólinetin boldyq pa? Ol sózderińdi qalaı aıtyp otyrsyńdar? Adamnyń taǵdyry mańdaıyna týyla sala jazylyp qoısa da, bloger qyzdardyń qandaı áıel bolatynyn qaıdan bilesizder? Ol qatyn bolmaıdy dep qandaı senimdilikpen aıtyp otyrsyzdar? Qyzdardardyń barlyǵyn tyıyp bolǵan shyǵarsyńdar? Erkekpen birge ómir súrip jatyrmyz dep, qyzdarymyzdy úıge tyǵyp boldyq. Qyryq úıden tyıý, anadan tyıý, mynadan tyıý dep boldyq. Oramaldy da taqtyq. Orap bittińder qyzdardy. Ol zaman ótti. Endi qyzdarǵa durys bilim beretin zaman keldi. Durys tańdaý jasaýdy, ózin qorǵanýdy úıretetin ýaqyt keldi. Blogerlerdiń barlyǵyna topyraq shashýdy qoıyńdar», - dep jalǵady sózin bloger.

Eske sala keteıik, Imam Jarqyn Myrzataı suhbatynda óz fotosýretterin bólisip, sulýlyǵyn ınternette pash etken qyzdar áıeldikke, jar bolýǵa jaramaıtynyn aıtyp, hıjab kıgenderge de kılikken edi. 

Bul maqala týraly ne oılaısyz?